دووڤەلانکێن دەولەتا ترکیێ نوقتەیێن خوە ب کەڤرێن گۆرستانان چێدکن

چەتەیێن ترک نوقتەیێن خوە ب کەڤرێن گۆرستانان چێدکن

چەتەیێن گرێدایی دەولەتا ترک ل گرێ سپی کەڤرێن دەردۆرا مەزەلێن گۆرستانان ھلدکن و د ئاڤاکرنا نوقتەیێن خوە دە ب کار تینن.

ئێرشێن دەولەتا ترک و چەتەیێن وێ بێ ناڤبەر ل سەر گوندەوارێن ئەین ئیسا و رۆژاڤایێ گرێ سپی بەردەوام دکن و ل کێلەکا ئێرشان نوقتەیێن چەتەیان و بارەگەھێن لەشکەرێن دەولەتا ترک تێن ئاڤاکرن.

دەولەتا ترک ھەیا نھا ٣٣ نوقتە و ٥ بارەگەھێن لەشکەری ل گوندەوارێن ئەین ئیسا و گوندەوارێن گرێ سپی ژ بۆ خوە و چەتەیێن خوە ئاڤاکرینە و د نوقتە و بارەگەھان دە گەلەک سەوقیاتێن لەشکەری کرنە.

چەتەیێن ترکیێ کەڤرێن دەردۆرا مەزەلێن گۆرێن گۆرستانانێن گوندێن سەر ب گرێ سپی ھلدکن و د ئاڤاکرنا نوقتەیان دە ب کار تینن، ل گوندێ کەفیفایێ گرێدایی رۆژاڤایێ گرێ سپییێ کو نها ل ژێر دەستهلاتا ترکیێ دەیە، چەتەیێن دەولەتا ترک کەڤرێن دەردۆرا مەزەلێن گوند ھلدکن و ب وان کەڤران نوقتەیان ئاڤا دکن.