ره‌ژیما ئیسلامی ئا ئیرانێ، ئیرۆ جه‌زایێ بدارڤه‌كرنێ ل سه‌ر دوو خۆرتێن دن ئێن كورد ب جی كر، ئه‌ڤ خۆرت ئه‌ندامێن پارتییه‌كه ولاتپارێز ئا رۆژهلاتا ولات بوون.
رێخستنا هه‌نگاو ئا مافێن مرۆڤان ل رۆژهلاتا كوردستانێ ئه‌شكه‌ره كر، ئیرۆ رۆژا سێشه‌می 14/7/2020ان، ره‌ژیما ئیرانێ جه‌زایێ بدارڤه‌كرنێ ل سه‌ر دوو خۆرتێن باژارێ مه‌هابادێ ب جی كر، جینایه‌تا ڤان دوو خۆرتان ئه‌ندامه‌تییا پارتییه‌كه ولاتپارێز ئا دژی ده‌ستهلاتا ئیرانێ یه.
رێخستنا هه‌نگاو ده‌ست نیشان كر، ناڤێ ڤان هه‌ردوو خۆرتان «سابر شێخ عه‌ڤدللا و دیاكۆ ره‌سوول زاده»، یه و جه‌زایێ وان ئیرۆ سه‌رێ سبێ ل زیندانا ناڤه‌ندیا ئۆرمیێ هات ب جی كرن.
رێخستنا لێبۆرینا ناڤده‌وله‌تی ئه‌منستی ژ ره‌ژیما ئیرانێ خوه‌ست بوو جه‌زا وه‌ره هلوه‌شاندن، لێ به‌لێ ئیرۆ ئیرانێ ب جی كر.
