بالهفرێن جهنگ یێن دهولهتا رووسیایا فهدهرال، ئیرۆ ئێریشێ چیایێ «كورمێنج» كر، پاش كو هنهك ئهسكهرێن وان د تهقینهكێ ده بریندار كهتین.
نهرینگهها سووریایا مافێن مرۆڤان ئهشكهره كر، پاش كو ههژمارهكه ئهسكهرێن رووس د تهقینهكێ ده ل سهر رێیا لازقیێ-حهلهبێ بریندار كهتین، ئیرۆ رۆژا سێشهمی 14/7/2020ان، بالهفرێن جهنگ یێن رووسیایێ، ئێریشێ چیایێ «كورمێنج» كر و چهندین مۆشهك لێخستنه.
ههروها دهست نیشان كر، تۆپهاڤێژێن رهژیما سووریێ ب ههمان ئاوایی بلنداهیێ چیایێ «كورمێنج» ههدهف كر.
ئهڤ ئێریشا رووسیایێ پاش تهقینا دوهـ رۆژا دوشهمی تێ كو ل سهر رێیا لازقیێ و حهلهبێ چێببوو و تێده ههژمارهكه ئهسكهرێن رووس بریندار كهتن، ل گۆر نهرینگهها سووریایێ، ئهسكهرێن كو د تهقینێ ده بریندار كهتی، ب ئهرهبهیێن تركان ژ بۆ تهداوی كرنێ هاتبوو ڤهگوهاستن.
چیایێ «کورمێنج» یان کورداخ چیایەک (یان ژی ھەرێمەک چیایی) ل ھەرێما عەفرینێ و کلیسێ یە، ھەر وھا ئەو بوویە وەک ناڤەک ژ ھەرێما عەفرینێ رە، ل رۆژئاڤایێ وی چەمێ رەش و ل رۆژھلات و باشوورێ وی چەمێ عەفرینێ ھەیە، ل سەر چیایێ «کورمێنج» دەرا ھەری بلند (ب 1200 مەترۆیان) گرێ مەزنە.
شێنیێن بنارا چیایێ «كورمێنج» ههموو كوردن، لێ بهلێ دووربهرا وان ئهرهبێن سووریهیێ و ل ئالێ سینۆر تركن.
