سندۆقێن هلبژارتنان ل رۆژئاڤا ناهێن دانین

سندۆقێن هلبژارتنان ل رۆژئاڤا ناهێن دانین

رێڤه‌به‌رییا خوه‌سه‌ر ئیرۆ ئه‌شكه‌ره‌ كر ئه‌و ته‌ڤلی هلبژارتنێن پارلمه‌نتۆیا سووریێ نابه‌ و سندۆقێن هلبژارتنان ل رۆژئاڤا كوردستانێ ناهێن دانین.

بەردەڤکێ رێڤەبەرییا خوەسەر ئیرۆ رۆژا شه‌می 18/7/2020ان، د کۆنگرەیەکە رۆژنامەڤانی دە، بریار ل دەربارێ ھلبژارتنێن پارلمه‌نتۆیا سووریێ دە راگھاند و گۆت: «سندۆقێن هلبژارتنان ل ناڤچه‌یێن ل ژێر ده‌ستهلاتا وان ده‌ ناهێن دانین».

هه‌ر وها ئه‌شكه‌ره‌ كر، د ڤێ قۆناخێ ده‌ مللەتێ سووریێ ل بەندێ یە، چارەسەریەکە ئاشتییانە ژ بۆ کریزا سووریێ بێ دانین، لێ حکوومەتا سووریێ هێژان ل سەر ھەمان رێبازا خوە د دۆمه‌ و هه‌ر وەکە ژ 2011ان تو تشتەک نەبوویە.

بەردەڤکێ رێڤەبەرییا خوەسەر دبێژه‌: «ھلبژارتنێن پارلمەنتۆیا سووریێ ت واتەیا وێ ژ بۆ مە نینە و دیار کر، ئه‌و ب ھێڤی بوون حکوومەتا سووریێ ھێزێن ئاکتیڤ ئێن ل سووریێ ڤەخوینە جڤینەکێ ژ بۆ دانوسته‌ندنا چارەسەرییەکە بلەز ژ بۆ کریزا سووریێ».

ھلبژارتنێن پارلمەنتۆیا سووریێ پاش کو 2 جاران ب سه‌ده‌ما رێكارێن خوه‌پاراستنێ ژ ڤیرۆسا كۆرۆنایێ ھاتن پاش خستن، بریارە سبه‌ رۆژا یەکشەمێ، 19/7/2020ان وەرن کرن.

2100 نامزەد ژ بۆ 250 کورسییان هه‌نه‌، 25 ژێ كوردن ل سەر ئاستا ل قامشلۆ، حەلەب و شامێ.