ل هه‌كاریێ ئێریشه‌كه‌ مه‌زن ل سه‌ر په‌كه‌كێ تێ مه‌شاندن

pkk hekari turk kurd hpg army

ئارته‌شا ده‌وله‌تا تركیێ ئێریشه‌كه‌ مه‌زن ل ده‌ڤه‌را هه‌كاریێ ئا باكورێ كوردستانێ ل سه‌ر په‌كه‌كێ دا مه‌شاندن، د ساعه‌تێن ده‌ستپێكێ ده‌، 3 گه‌ریلا هه‌ده‌ف كرن.

چاڤكانیێن پێگه‌ها «داركا مازی» ل باكورێ كوردستانێ ئه‌شكه‌ره‌ كر، ژ دوهـ رۆژا یه‌كشه‌می 19/7/2020ان، ئارته‌شا ده‌وله‌تا تركیێ ئێریشه‌كه‌ مه‌زن ئا ئاسیمانی و به‌ژاهی ل ده‌ڤه‌را هه‌كاریێ ژ بۆ ته‌عقیبا گه‌ریلایێن په‌كه‌كێ دا مه‌شاندن، د ساعه‌تێن ده‌ستپێكێ ده‌، 3 گه‌ریلا هه‌ده‌ف كرن.

ل ڤێ ده‌ربارێ ده‌، مه‌دیا تركیێ ئه‌شكه‌ره‌ كر، 1106 جه‌ندرمه‌، كۆماندۆ، پۆلیس و گۆند پارێز ڤێ ئۆپه‌راسیۆنێ د مه‌شینن و وێ بدۆمه‌.

پارتییا كاركه‌رێن كوردستانێ نها پێتر چالاكییان ل باشوورێ كوردستانێ پێك تینه، ب ئاوایه‌كی ژ 77% ئا چالاكیێن وێ باشوورێ ولات هه‌نه‌ و ژ 23% ل باكور، ئه‌ڤ یه‌ك د راپۆرا ئیسال ئا سازییا ACLED ئا ئامه‌ریكی ده‌ هاتییه‌ ته‌سبیت كرن.

ل گۆر راپۆرا ACLED ێ ژی دیار دبە کو پەکەکێ شەر دەرباسی باشوورێ کوردستانێ کرییە، شەری زرارەک پر مەزن گھاندییە ئابۆرییا ھەرێمێ و گەلەک گوند و زه‌ڤیێن چاندنیێ ھاتنە ڤالاکرن.