به‌رپرسێ په‌كه‌كێ «یه‌حیا» هات هه‌ده‌ف كرن

ئارته‌شا تركیێ به‌رپرسه‌كێ دن ئێ په‌كه‌كێ كو د لیستا داخوازكرییان ئا ده‌وله‌تێ ده‌ جی دگره‌، ل دۆربه‌را دێرسما باكورێ كوردستانێ هه‌ده‌ف كر.

ئیرۆ رۆژا شه‌می 25/7/2020ان، هات ئیلان كرن كو یه‌ك ژ گه‌ریلایێن دوهـ رۆژا ئینی ل دۆربه‌را دێرسما باكورێ كوردستانێ هاتنه‌ به‌رته‌ره‌ف كرن، به‌رپرسه‌كێ په‌كه‌كێ ئێ ب ناڤێ «یه‌حیا ئاتماجا» یه‌ كو د لیستا ره‌نگ پرته‌قالی ئا داخواز كریێن ده‌وله‌تێ ده‌ جی دگره‌ و خه‌لات ژبۆی ده‌سته‌سه‌ر كرنا وی هاتبوو دانان.

یه‌حیا ئاتماجا ب كۆد ناڤێ «ساڤاش فرات» ئه‌ندامه‌كی په‌كه‌كێ یه‌، ب فه‌رماندارێ په‌كه‌كێ ئێ ئه‌نییا رۆژئاڤا دێرسمێ تێ حه‌ساب كرن، ده‌وله‌تا تركیێ ملیۆن لیره‌ خه‌لات ژ بۆی ده‌سته‌سه‌ر كرنا وی ده‌ست نیشان كربوون.

ژ ده‌ستپێكا ڤێ سالێ ڤه‌، ده‌وله‌تا تركیێ، هه‌ژماره‌كه‌ زێده‌ ئا فه‌رماندار و به‌رپرسێن په‌كه‌كێ ل باشوور و باكورێ كوردستانێ هه‌ده‌ف كرنه‌، داوی یه‌ك قاسم ئه‌نگین فه‌رماندارێ بلند ئێ په‌كه‌كێ بوو.

ناڤه‌ندا مه‌دیایی ئا هه‌په‌گێ بالێ له‌شكری ئێ په‌كه‌كێ تو ئاگاهی ل ده‌ربارا هه‌ده‌ف كرنا یه‌حیا نه‌ وه‌شاندنه‌.