په‌كه‌كه‌یا هلوه‌شیایی ئیرۆ ناسنامه‌یا 9 چه‌كدارێن دن یێن رێخستنێ ئاشكه‌ره كرن كو 12 سالان به‌رێ كه‌تنه به‌ر ئێریشان و ژ نوو ڤه مرنا وان ئیفشا كر.
ئیرۆ رۆژا پێنجشه‌می 5 مژدارا 2026ێ په‌كه‌كێ ناسنامه‌یا 9 چه‌كدارێن خوه یێن ژ رۆژهلاتا كوردستانێ ئاشكه‌ره كر كو ژ سالا 2014ێ ڤه جانێ خوه ژ ده‌ست دا نه و ژ نوو ڤه مرنا وان هات راگهاندن.
ئه‌ڤ گه‌ریلا د ده‌م و سالێن جودا ده د ناڤبه‌را سالێن 2014 هه‌یا 2026ێ ل هه‌رێمێن ئاڤاشین، زاگرۆسێ، رۆژئاڤا كوردستانێ، قه‌ندیلێ و مه‌تینایێ، هه‌روه‌ها ل زاپێ و گاره‌ی كه‌تنه به‌ر ئێریشێن ده‌وله‌تا ترك و جانێ خوه ژ ده‌ست دا نه.
ناڤێن وان ووسایه:
محه‌مه‌د مه‌عرووف ژ بۆكانێ یه.
زه‌هرا زوبه‌ید ژ سه‌لماسێ یه.
سامان شه‌ریف ژ سنه‌یێ.
ئارش یه‌دوللاهـ ژ سنه‌یێ.
سه‌ركه‌فت كه‌ریم ژ سنه‌یێ.
خه‌بات غولام عه‌لی ژ كامیارانێ.
ئارمین مه‌عرووف ژ سنه‌یێ.
ئه‌دیب عه‌بدولباقی ژ سنه‌یێ.
ماشاللا موحه‌مه‌دی ژ سنه‌یێ.
په‌كه‌كێ ناسنامه‌یا ڤان جوانان ئیلان كر و د په‌سنێ وان ده گۆتییه ئه‌و ملیتانێن مه یێن ئاپۆیی بوون، خوه فه‌دایێ ئاپۆ كرن.
په‌كه‌كه‌یا هلوه‌شیایی ل رۆژێن رابووری ژی ناسمامه‌یا 179 شه‌هیدێن رۆژئاڤا ئاشكه‌ره كربوو و موراد قارایلان رێڤه‌به‌رێ په‌كه‌كێ گۆتبوو: ئاگاهی ده‌ره‌نگ گهیشتن مه، هایا مه نه‌بوو كو هه‌ڤالێن مه وه‌ندانه!!.
