دادگهها مێرسینێ دالیا سهربهست بهردا
دالیا مهحموود موسلم ئا برازییا سالح موسلم، ئیرۆ روونشتنا یهكێ ئا دادگهها وێ ل مێرسینێ هات ل دار خستن، ئهو سهربهست هات بهردان.
دالیا مەحموود موسلم، ل رۆژا 15 ڤێ مههێ ل باژارێ مێرسینێ خوه تهسلیمی تركیێ كر، پشتره ب 3 رۆژان مهدیا پهكهكێ و هنهك ژ سازیێن گرێدای لاهۆر شێخ جهنگی رۆژهڤهكه وها ل باشوورێ ولات چێكرن كو حكوومهتا باشوور ب تهیبهت پهدهكێ دالیا تهسلیمی دهولهتا تركیێ كرییه.
د ڤێ دهربارێ ده ل 20 مهها رابووری وهزارهتا كارێن ناڤخوه ئا حكوومهتا باشوورێ کوردستانێ، راستییا مژارا دالیایێ ئیفشا كر و گۆت كو: «دالیایێ تێكلیێن سۆزداری دگهل شهرڤانهكی دن گرێدابوون، وێ ب كێفا دلێ خوه رێخستن ب جی هشت و رهڤیا تركیێ».
شهرڤانێ كو دالیا كهتییه ئهڤینا وی ب ناڤێ «سهلام رهمهزان محهمهد» ب كۆد ناڤێ «تۆلهلدان» بوو، وی و دالیایێ ب ههڤره رێزێن رێخستنا یهپهگێ ب جی هشتن.
پشتره وهزارهتا كارێن ناڤخوه داخوهیانییهكه دن پارڤه كر و تێده ب ڤیدیۆ و دوكیۆمهنت كهفیلێ دالیایێ واته كهسێ كو دالیا ژ باشوور دهرباسی تركیێ كر پارڤه كر، ههموهخت ڤیدیۆیا سهلام رهمهزان ئێ خوهشتڤیێ دالیایێ و تێده وان گۆ كو ئهو ژ بهر ئهڤینا خوه رهڤیانه تركیێ.
ئیرۆ رۆژا دوشهمی 27/7/2020ان دادگهها دالیایێ ل مێرسینێ هات ل دارخستن و ئهو ب كهفالهت سهربهست هات بهردان، دالیا و سهلام ب پۆلیسێن تركیێ گۆتییه كو ئهو دخوازن ب زهوجن و خێزانهكێ ئاڤا بكن.
شهمالكا خوهدیێ مالێ ههیا نڤستنێ ههله
پارتییا كاركهرێن كوردستانێ، وهكه ههرتم خوهست ڤێ مژارێ د بهرژهوهندییا خوه ده بدە شوغلاندن، پەکەکێ و دووڤەلانکێن وێ ل باشوورێ وەلات، حكوومهتا باشوور سووچبار كر و جینایهتا تهسلیم كرنا دالیایێ خستە پال وان، ئا راست پهكهكێ دو ئارمانج ژ ڤان ههولێن خوه ههبوون، یا یهكێ وێ دخوهست حكوومهتا باشوور شهرمهزار بكه و گڤاشەکە دن ل سەر هەموو وان گڤاشێن خوە یێن سیاسی و سەربازی یێن ل سەر حکوومەتا باشوور زیدە بکە، یا ددویان دخوهست سالح موسلم ژی شەرمەزار بکن و وی بشکینن، ژ بەر کو نها ناکۆکیێن کوور د ناڤبەرا سالح موسلم و پەکەکێ دە هەنە، ژ بەر ڤێ یەکێ و داکو وی بشکینن ئەڤ ئێریشا مەدیایی ئەنجام دا و داخوەیانییەک ب ناڤێ وی د کانالێ خوە یێ مەدیایی یێ ب ناڤێ «ئاریان» دە پارڤەکر، د دەمەکی دە کو هایا وی ژ ڤێ داخوەیانیێ نەبوو.
تهڤی كو ئهڤ مژار ل باشوورێ ولات گهرم و گۆر ببوو، لێ بهلێ ههم مهدیا پهكهكێ و ههم مهدیا گرێدای لاهۆر شێخ جهنگی پاش كو دالیا گهایه خوهشتڤیێ خوه و ڤیدیۆ و دیمهنێن وێ لگهل مالباتا سهلام بهلاڤبووین، خوه بێدهنگ كرن، وهكه نهعاما سهرێ خوه د ئاخێ ره كری.
وەکە ئەشکەرە یەنەکە ژ بەر نەبوونا تو سەرکردەیێن کارێزماتیک نها کەتییە ژێر باندۆرا پەکەکێ و ئەو تشتێ پەکەکە بخوازە دکارە ب یەنەکێ بکە، ئەڤ ژ ئالییەکێ و ژ ئالییەکێ دن ژ بەر کو د مژارا رادەستکرنا «مستەفا سەلیمی» کوردێ رۆژهلاتا کوردستانێ کو ژ ئیرانێ بازدابوو و هەوارا خوە ئانیبوو باشوورێ کوردستانێ، لێ یەنەکێ ئەو تەسلیمی ئیرانێ کر و پشترە هات سێدارە دان، راگهاندنێن باشوور ب ئاوایەک بەرفرەهـ باس لێ کر و ل داویێ ژی ئەشکەرە بوو کو مستەفا سەلیمی ب فەرمانا راستەراست ئا «لاهور شێخ جەنگی» هەڤسەرۆکێ یەنەکێ هاتییە رادەست کرن، یەنەکێ ب ئازراندنا ب درەوڤە ئا مژارا دالیایێ، دخوەست تۆلا خوە هەلینە و ببێژە نە بەس ئەم ڤی کاری ئەنجام ددین بەلکو پهدهكه ژی وەکه مەیە و دخوەست گڤاشێن زێدەتر ل سەر حکوومەتا هەرێمێ دروست بکە.
چارهنڤیسا دالیایێ وهكه رۆژا روهن ئهشكهره بوو، لێ بهلێ چارنڤیسا مستهفا سهلیمی چاوا بوو؟
پشتی بوورینا دەمەکی کورت ئەشکەرە بوو کو دالیا ب کێفا دلێ خوە دەرباسی ترکیێ بوویە و ل باژارێ مێرسینێ خوە رادەستی دەولەتا ترکیێ کرییە، داکو پاشان بگەهە ئەڤیندارێ خوە یێ شەرڤان، سەربەست بەردانا دالیایێ ب کەفالەت دبە باشترین بەلگە بە ل سەر ڤێ یەکێ، ژ بەر کو ل گۆر قانوونا بنگەهین ئا ترکیێ، هەر کەسەکی ب «قانۆنا تەرۆرێ» وەرە دەستەسەر کرن نکارە ب کەفالەت وەرە سەربەست بەردان.
ل ڤڕ پرسەکە گرینگ سەرهلددە، گەلۆ ئەڤ راستییا دالیایێ وەکە رۆژا روهن دیار بوو، دالیا دکارە نها ب خوە وەرە سەر ئەکرانێن تەلەفزیۆنان و راستییان ژ گەل رە ئەشکەرە بکە، لێ گەلۆ مستەفا سەلیمی کو ب تەنێ 24 ساعەتان پشتی لاهور رادەستی ئیرانێ کری هات سێدارەدان، وێ ب تو ئاوا وەرە و ب دەڤێ خوە راستییا رادەستکرنا خوە ژ بال هەڤسەرۆکێ یەنەکێ یێ ب ناڤێ «شێخ لاهور» ژ گەل رە ئەشکەرە بکە؟