دربه‌گێ گران ب په‌كه‌كێ كه‌ت

دربه‌گێ گران ب په‌كه‌كێ كه‌ت

ئێریشا تركیێ ئا ل دژی پارتییا كاركه‌رێن كوردستانێ ل باشوورێ ولات ددۆمه‌، ژ دوهـ ڤه‌ شه‌رێن دژوار چێبوونه‌ و په‌كه‌كێ 7 گه‌ریلا ژ ده‌ستدانه‌.

ل گۆر ئاگاهیێن ده‌ستێ مه‌، د 24 ساعه‌تێن رابووری ده‌، باله‌فرێن جه‌نگ ئێن ده‌وله‌تا تركیێ، بلنداهیێن چیایێ ئاسۆسێ ئێ ل سینۆرێ سلێمانیێ هه‌ده‌ف كرنه‌ و زرارێن جانی ئێن مه‌زن ب په‌كه‌كێ كه‌تنه‌.

هات ئیلان كرن كو د وێ ئێریشا هه‌وایی ده‌، 7 گه‌ریلایێن په‌كه‌كێ جانێ خوه‌ ژ ده‌ست دانه‌، هه‌ژماره‌كه‌ نوقته‌یێن وان هاتن ئیمها كرن.

ناڤه‌ندا مه‌دیایی ئا هه‌په‌گێ تو ئاگاهی ل ده‌ربارا ئێریشا ئاسۆسێ نه‌دانه‌، ته‌نێ ئه‌شكه‌ره‌ كر كو دوهـ رۆژا ئینی 7/8/2020ان، باله‌فرێن تركیێ گرێ منینێ ئێ ل نێزی گرێ دووپشكی بۆمبه‌ كرنه‌ و شه‌وات ب ئاقارێ ناڤچه‌یێ كه‌تییه‌.

ل 15 خزیرانا ئیسالێ، تركیێ مه‌زنترین ئێریشا سه‌ر باشوورێ كوردستانێ ل دژی په‌كه‌كێ دایه‌ مه‌شاندن، ژ وێ ده‌مێ ڤه‌ ب ده‌هان گوند ب ته‌یبه‌ت ل سینۆرێ دهۆكێ هاتنه‌ ڤالا كرن، شێنیێن گوندان كو پێتر خه‌ته‌ری ل سه‌ر وان هه‌یه‌‌ گازنان ژ په‌كه‌كێ دكن و دخوازن گه‌ریلا حه‌ره‌كه‌تێن خوه‌ نه‌خن نێزی گوندێن وان ژ بۆ كو نه‌كه‌ڤن به‌ر ئێریشان.