پارتییا كاركه‌رێن كوردستانێ ئیرۆ 6 گه‌ریلایێن خوه ل هه‌رێما حه‌فته‌نینێ ئا ل باشوورێ كوردستانێ ژ ده‌ست دان، وه‌ختا كو كه‌تنه به‌ر ئێریشێن هه‌وایی ئێن ده‌وله‌تا تركیێ.
ل گۆری ئاگاهیێن ده‌ستێ مه، ئیرۆ رۆژا دوشه‌می 10/8/2020ان، باله‌فرێن جه‌نگ ئێن تركیێ ل نوقته‌یێن په‌كه‌كێ ل هه‌رێما حه‌فته‌نینێ خستییه، 6 گه‌ریلا كه‌تنه به‌ر ئێریشان و جانێ خوه ژ ده‌ست داییه.
وه‌زاره‌تا پاراستنا نه‌ته‌وه‌یی ئا تركیێ ئه‌ڤ ئێریش ئیلان كر و ئه‌شكه‌ره كر كو هه‌ژماره‌كه گه‌ریلایان كه‌تنه به‌ر ئێریشێ، لێ به‌لێ هه‌په‌گێ بالێ له‌شكری ئێ په‌كه‌كێ، تو ئاگاهی ل ده‌ربارا ژ ده‌ست دایینا گه‌ریلایێن خوه نه دانه.
هه‌ر ل ده‌ربارا شه‌ر و په‌ڤچوونان، ناڤه‌ندا مه‌دیایا هه‌په‌گێ ئیرۆ هنه‌ك دیمه‌ن وه‌شاندنه و گۆتییه كو ئه‌ڤ یێن ئێریشه‌كه یه‌ژا ستارێ نه ل گرێ دووپشكی ل حه‌فته‌نینێ، هه‌ر وها زه‌لال كرییه كو گه‌ریلایێن یه‌ژا ستارێ 15 ئه‌سكه‌ر جه‌زا كرنه.
