فەرماندارێ گشتی یێ قەسەدێ مەزلووم عەبدی، ژ بۆ راوەستاندنا هێرش و بنپێکرنێن دەولەتا ترکییێ، داخواز ژ لایەنگرێن پەیمانا ئاگربەستێ یا ل ستەنبۆل و سۆچیێ ھاتیە ئیمزاکرن کر.
فەرماندارێ گشتی یێ قەسەدێ مەزلووم عەبدی، داخواز ژ لایەنگرێن پەیمانا ئاگربەستا کو ل ستەنبۆل و سۆچیێ ھاتیە ئیمزەکرن کر و خواست هێریش و بنپێکرنێن ترکییێ بێنە راوەستاندن و دەولەتێن لایەنگرێن ڤان دو رێکەفتنێن ئاگربەستێ ب رۆل و ئەرکێ خوە رابن ژ بۆ راوەستاندنا هێرشێن ترکیێ.
مەزلووم عەبدی، ل سەر ئەکوانتێ خوەیێ تویتتەرێ گۆت: “د ناڤا ڤێ حەفتەیێ دا دەولەتا ترکیێ، رێڤەبرێ کۆمیتەیا پاراستنا کو ل عەین عیسایێ کارێ خوە دکر ئارمانج کریە. د هێریشێ دا شووفێرێ رێڤەبری شەھید بوو و هاریکارێ وی ژی بریندار بوو. ئەڤە بنپێکرنا پەیمانێن ئاگربەستێ نە کو د ١٧-٢٣یێ جۆتمەھێ دا ھاتینە ئیمزاکرن. ئەم بانگ ل دەولەتێن گارانتۆرێن ستەنبۆل و سۆچیێ دکەین کو رۆلا خوە ب جھ بینن و هێریش و بنپێکرنێن ترکییێ راوەستینن.”
عەبدی، د داخویانیا خوە دا گۆت، ترکیە ھەر دەم گەلێن ھەرێمێ و خەباتکارێن رێڤەبەریێ ب زانابوون ئارمانج دکەت.
