هه‌ژمارا 21 كادرێن په‌كه‌كێ كو ل ژێر ناڤێ مه‌زۆپۆتامیا هاكه‌رس، كارێ هاككرنا پێگه‌هێن ده‌وله‌تا تركیێ دكه‌ن، كه‌تن ده‌ست هێزێن ئه‌وله‌هیێ.
سه‌ردۆزگه‌رییا گشتی یا ئه‌نقه‌رێ ئیرۆ رۆژا سێشه‌می 1/9/2020ێ ئه‌شكه‌ره كر، د ئۆپه‌راسیۆنه‌كا تایبه‌ت دا 21 كادرێن په‌كه‌كێ ل 17 پارێزگه‌هێن تركیێ و باكورێ كوردستانێ هاتنه ده‌سته‌سه‌ر كرن كو ل ژێر ناڤێ مه‌زۆپۆتامیا هه‌كه‌رس، كارێ هاككرنا پێگه‌هێن ده‌وله‌تێ دكرن.
ده‌ست نیشان كر، كه‌سێن كو هاتنه ده‌سته‌سه‌ر كرن، 411 ئه‌كاونتێن تایبه‌ت ب رێخستن و سازیێن ده‌وله‌تێ ڤه، 14 هه‌زار و 271 ئه‌كاونتێن تایبه‌ت هاككرنه و تێدا بانگه‌شه‌یا پارتییا كاركه‌رێن كوردستانێ دكر و داخوازا په‌ره‌یان ژ ولاتییان دكر.
سه‌ردۆزگه‌رییا گشتی یا ئه‌نقه‌رێ ئاماژه كر كو ل گۆر قانوونا دژه ته‌رۆرێ كه‌سێن كو هاتنه ده‌سته‌سه‌ر كرن دێ بهێنه دادگه‌هـ كرن.
