ل مه‌ریوان و پیرانشارێ شه‌ر ل نێڤبه‌را پاسداران و هێزێن كوردی ده‌ركه‌ت

ل مه‌ریوان و پیرانشارێ شه‌ر ل نێڤبه‌را پاسداران و هێزێن كوردی ده‌ركه‌ت

ل سینۆرێ باژارێن مه‌ریوان و پیرانشارێ یێن رۆژهلاتا كوردستانێ، شه‌ر ل نێڤبه‌را سپایێ پاسداران و هێزێن كوردی ده‌ركه‌ت، سپایێ پاسداران ناڤچه‌ ب دژواری بۆدرۆمان كر.

ل گۆر رێخستنا هه‌نگاو یا مافێن مرۆڤان، ئیرۆ رۆژا شه‌می 12/9/2020ان، ل بلنداهیێن گوندێ هه‌ورامان ل نێزی بریارگه‌ها ژالانه‌ شه‌ر ل نێڤبه‌را هێزێن كوردی و سپایێ پاسدارێن ئیرانێ چێبوو.

ب گۆتنا چاڤكانیێن ده‌ڤه‌رێ، زرارێن جانی د ڤێ شه‌ری ده‌ نه‌بوون، لێ به‌لێ هێزێن سپایێ پاسداران ب چه‌كێ گران بلنداهیێن گوندێ هه‌ورامانێ كرنه‌ ئارمانج.

ژ ئالییه‌كێ دن ڤه‌ ل شه‌ڤا ئینییا رابووری، شه‌ره‌كێ چه‌كداری ل نێڤبه‌را هێزێن كوردی و سپایێ پاسداران ل بلنداهیێن گوندێ كانی خودا یێ گرێدای پیرانشارێ چێببوو.