پۆمپیۆ داخازەک ژ وەلاتێن ئەورۆپی کر

پۆمپیۆ داخازەک ژ وەلاتێن ئەورۆپی کر

مایک پۆمپیۆ  وەزیرێ کارێن دەرڤە یێن ئەمریکایێ ئەڤرۆ رۆژا ئێکشەمبی 13/9/2020ێ راگەھاند کو ئەو دێ بەردەوام داخازێ ژ ئێکەتییا ئەورۆپی و وەلاتێن ئەورۆپی بکەن کو حیزبۆلاهێ وەکو رێخستنەک تەرۆریستی راگەھینن یان وێ ب تەڤاھی قەدەغە بکەن.

وی د داخویانیا کو ل سەر مالپەرا وەزارەتا کارێن دەرڤە ھات وەشاندن دا گۆت کو ویلایەتێن یەکبوویی پێشوازیا بریارا کۆمارا سربستانێ دکەت کو تیدا حیزبۆلاهێ ب رێخستنەک تەرۆریستی بناڤ دکەت.

وی هەر وەها راگەهاند: “ب تەرۆریست ناساندنا حیزبۆلاهێ ژ لایێ سربستانێ ڤە پێنگاڤەکا دی یا گرنگە ژ بۆ دژ دەرکەفتنا شیانا ڤێ گرووپێ کو ل بن پشتگیرییا ئیرانێ دا ل ئەورۆپایێ کار دکەت”.

ل گۆری پۆمپیۆ، حیزبۆلاهـ بەردەوامە د پلان دانانا ئێریشێن تەرۆریستی و کرینا تەکنۆلۆژیا لەشکەری و کۆمکرنا پارەی ل ئەورۆپایێ.

وەزیرێ کارێن دەڤە یێ ئەمریکایێ گۆت کو ویلایەتێن یەکبوویی دیسا ژ ئێکەتییا ئەورۆپایێ و وەلاتێن ئەورۆپی داخاز دکەت کو ڤێ راستیێ قەبوول بکەن کو حیزبۆڵاھ ب تەمامی (رێخستنەک تەرۆریستی)یە و چ جوداهیێ د ناڤبەرا باسکێ وێ یێ سیاسی و لەشکری دا نەکەن.

وەزارەتا دەرڤە یا ئەمریکایێ داخاز ل ھەمی وەلاتان کر کو تەدبیرێن پێویست بگرنە بەر دا کو حیزبوڵاھ چالاکیێن خوە بەردەوام نەکەت و نوونەر و پشتگرێن خوە ل ناڤخۆ و دەرڤەیی لبنانێ بدەتە سەکناندن.