پیلانەکا پەکەکێ ل دەڤەرا دۆسکییان راستی شکەستنێ هات، پشتی کو دەزگەهێن ئەولەهیێ یێن باشوورێ کوردستانێ ئەڤ پیلانە کەشف کری.
چاڤکانیێن پێگەها دارکا مازی ل باشوورێ کوردستانێ ئەڤرۆ رۆژا پێنجشەمبی 24/9/2020ێ ئاشکرا کر کو پیلانەکا پەکەکێ ل دەڤەرا دۆسکییان راستی شکەستنێ هات، پشتی کو دەزگەهێن ئەولەهیێ ئەڤ پیلانە کەشف کری کو تێدا پەکەکێ دخواست ب بکارئانینا ((ئار پی جی)) یان ئالۆزییان دروست بکه‌ت.
پارتییا کارکەرێن کوردستانێ “پەکەکە” ل باشوورێ کوردستانێ بەردەوامە ل دروستکرنا ئالۆزییان و مەترسی ئێخستنێ ل سەر ژیانا وەلاتیێن سڤیل، د نووترین کارێ خوە دا کو پەکەکە ب (چالاکیێن بەرخوەدانێ) ب ناڤ دکەت دو ((ئار پی جی)) ل سەر جادەیەکە گشتی یا نێزی گوندێ سەیدئاڤا ل ناحیا سەرسنکێ دانابوون، ئەو ئار پی جی ب وایەران هاتبوون گرێدان و پەکەکێ دڤییا چالاکییەکێ ئەنجام بدەت.
هەرچەند کو پەکەکە ئیدیعا دکەت ئەڤ چالاکیە ل دژی لەشکەرێن ترکیێ د ناڤا باشوور دا دهێن ئەنجام دان، لێ بەلێ ئەڤ کارە مەترسیێ تێخن سەر کەسێن سڤیل و حەتا نها ب ڤێ رێیێ پەکەکێ چەندین جاران زەرەر ب گەلێ سڤیل گەهاندینە.
چاڤکانیێن پێگەها دارکا مازی هەر وەها ئەشکەرە کر کو ئەڤ پیلانا پەکەکێ ل ساعەت 4:30 ژ بال سازیێن ئەولەهیێ ل باشوورێ وەلات هاتییە کەشفکرن و پاشان هاتییە پووچەل کرن.
