بالەفرێن ترکیێ دەڤەرا بەرێ گارەی بۆردۆمان کر

بالەفرێن ترکیێ دەڤەرا بەرێ گارەی بۆردۆمان کر

بالەفرێن جەنگ یێن دەولەتا ترکیێ، ئیرۆ جارەکە دن ئێریشی باشوورێ کوردستانێ کر و مووشەک ل ناڤچەیەکا سینۆرێ دھۆکێ خستن. چاڤکانیێن پێگەھا دارکا مازی ل باشوورێ کوردستانێ ئەشکەرە کر، ئیرۆ رۆژا ئینی 2020/9/25ان نوقتەیێن پەکەکێ ل سینۆرێ ناڤچەیا سەرسنکێ یا گرێدای دھۆکێ ھەدەف کرن.

دەست نیشان کر، بالەفران ل دەمژمێر 12:15 نیڤرۆژێ مووشەک ل نوقتیێن پەکەکێ ل سەرێ چیایێ بێسمتێ کو دبیتە ئاقارێ گوندێ رەزیکێ دانە.

ھەرچەند کو زرارێن ئێریشا ئیرۆ نەھاتنە زانین، لێ ترس ل جەم خەلکێ ناڤچەیێ چێبوویە. ئێریشا ئیرۆ پاش ئێریشا شەڤا دەرباسبووی تێ وەختا کو بالەفران نوقتەیێن پەکەکێ ل ھەژمارەکا گوندێن دەڤەرا بەرواری بالا بۆردۆمان کرین.

پارتییا کارکەرێن کوردستانێ ژ دەستپێکا ئێریشا دەولەتا ترکیێ سەر باشوورێ کوردستانێ کو ل ناڤەراستا مەھا خزیرانا ئیسالێ بوو، حەرەکەتا گەریلایێن خۆ خستنە ناڤا گوند و نێزی باژارۆکان، ئەڤ ژی بوویە سەدەم کو ئەڤ گوند ب بەردەوامی بکەڤن بەر ئێریشان، خەلکێ ناڤچەیێ ژی دخوازن پەکەکە ژ گوندێن وان دوور بکەڤە ژ بۆ کو گوندێن وان ژ ئێریشان پاراستی بن.

پوستێن ھەمان بەش