ل جوله‌مێرگێ یا باكورێ كوردستانێ شه‌ر ل نێڤبه‌را گه‌ریلایێن په‌كه‌كێ و ئارته‌شا تركیێ ده ده‌ركه‌ت، 2 گه‌ریلایان جانێ خوه ژ ده‌ست دا، ل ستانبۆلێ ژی 7 ئه‌ندامێن په‌كه‌كێ هاتن بنچاڤ كرن.
ل گۆر ئاگاهیێن ده‌ستێ مه، ئیرۆ رۆژا شه‌می 26/9/2020ان، ئارته‌شا تركیێ و جه‌ندرمه‌یان ئۆپه‌راسیۆن ل دۆربه‌را پارێزگه‌ها جۆله‌مێرگێ یا باكورێ كوردستانێ پێكئانین و د ئه‌نجامێ ده، 2 گه‌ریلایێن پارتییا كاركه‌رێن كوردستانێ جانێ خوه ژ ده‌ست دان.
ل ئالیێ دن ل ستانبۆلێ، د چارچووڤه‌یا پێڤاژۆیێن لپه‌ی چوونا ئه‌ندامێن په‌كه‌كێ كو سه‌ردۆزگه‌رییا گشتی یا تركیێ د مه‌شینه، هه‌ژماره‌كه ئه‌ندامێن په‌كه‌كێ هاتن بنچاڤ كرن.
د ڤێ ده‌ربارێ ده، وه‌زاره‌تا كارێن ناڤخوه یا تركیێ ئه‌شكه‌ره كر، 7 ئه‌ندامێن گرێدای په‌كه‌كێ ل هه‌ژماره‌كه ناڤ و نیشانێن ستانبۆلێ هاتنه بنچاڤ كرن و لێگه‌رین ل هنه‌كێن دن د دۆمه.
