ل هه‌كاریێ دربه‌كێ گران ب په‌كه‌كێ كه‌ت

ل ده‌ڤه‌را هه‌كاریێ دربه‌كێ گران ب په‌كه‌كێ كه‌ت

ل ده‌ڤه‌را هه‌كاریێ یا باكورێ كوردستانێ، ئیرۆ دربه‌كێ گران ب په‌كه‌كێ كه‌تییه‌ وه‌ختا كو 8 گه‌ریلایێن خوه‌ د شه‌ره‌كی ده‌ ل گه‌ل ده‌وله‌تا تركیێ ژ ده‌ست دای.

ل گۆر داخویانییه‌كه‌ نڤیسكی یا وه‌زاره‌تا ناڤخوه‌ یا تركیێ، ژ ئه‌نجاما شه‌ر و په‌ڤچوونێن ل ساعه‌تێن رابووری ل سینۆرێ ده‌ڤه‌را هه‌كاریێ و شرنه‌خێ یێن باكورێ كوردستانێ ل نێڤبه‌را ئارته‌شا تركیێ و گه‌ریلایێ په‌كه‌كێ ده‌ قه‌ومی، 8 گه‌ریلا جانێ خوه‌ ژ ده‌ست دایه‌.

ده‌ست نیشان كر، 3 گه‌ریلا ل ده‌ڤه‌را هه‌كاریێ و 5 ل دۆربه‌را شرنه‌خێ كه‌تنه‌ به‌ر ئێریشان.

هێزێن پاراستنا گه‌ل هه‌په‌گێ تو ئاگاهی ل ده‌ربارا شه‌رێ باكور و ژ ده‌ست دایینا وان 8 گه‌ریلایان نه‌دانه‌.

ئارته‌شا تركیێ هه‌ر ل ناڤبه‌را چه‌ند رۆژه‌كان ئامارێن زرارێن گه‌ریلایان پارڤه‌ دكه‌ت، هه‌موه‌حت ئاژانسێن په‌كه‌كێ نووچه‌یێن جه‌زا كرنا عه‌سكه‌رێن ترك، لێ به‌لێ ئه‌ڤ ئاگاهی ژ بال چ ئالیێن دن نایێن پشت راست كرن، له‌وما دبه‌ ئه‌ڤ به‌شه‌ك به‌ ژ وێ جه‌نگا راگهاندنێ كو هه‌ردوو ئالی ل دژی هه‌ڤ د دن مه‌شاندن.