پارتییا كاركه‌رێن كوردستانێ ئیرۆ 7 جوانێن دن یێن كورد ل ناڤچه‌یا حه‌فته‌نینێ یا باشوورێ كوردستانێ ب كوشتن دان، ئه‌ڤ یێك پاش چه‌ند ساعه‌تان ژ كاره‌ساتا ده‌ڤه‌را هه‌كاریێ تێ.
ل گۆر داخویانییه‌كه نڤیسكی یا وه‌زاره‌تا پاراستنا نه‌ته‌وه‌یی یا تركیێ، ئیرۆ رۆژا یه‌كشه‌می 27/9/2020ان، باله‌فرێن بێ پیلۆت یێن تركیێ ئێریشی لڤ و ته‌گه‌رێن گه‌ریلایێن په‌كه‌كێ ل ناڤچه‌یا حه‌فته‌نینێ كر.
د ئه‌نجاما ئێریشان ده، 7 گه‌ریلا كه‌تنه به‌ر مووشه‌كا و هه‌ر هه‌موویان جانێ خوه ژ ده‌ست دا.
هێزێن پاراستنا گه‌ل وه‌كه هه‌ر جار تو ئاگاهی ل ده‌ربارا ڤێ ئێریشێ و ژ ده‌ست دایینا گه‌ریلایان نه دانه.
د 24 ساعه‌تێن رابووری ده، ل ده‌ڤه‌را هه‌كاریێ ژی په‌كه‌كه راستی شكه‌ستنه‌كه مه‌زن هات، وه‌ختا كو 8 گه‌ریلا ل وێ ده‌ڤه‌رێ و هه‌روها ل دۆربه‌را شرنه‌خێ ژ ده‌ست داین.
