گەلەک دەردۆرێن کو ژ ھەڤدیتنێن یەکیتیا ھێزێن رۆژئاڤا عاجز دبن، ھەنە. پێشکەفتنا یەکیتیەک ب ڤی رەنگی دێ باندۆرا خوە ل ھەڤسەنگیا نھا ل رۆژھلاتا ناڤین ھەیی کەت. نە تنێ دێ باندۆرێ کەت، بەلکو دێ ئەو بەدەلێن کوردان د ڤان دەھ سالێن دوماهیی دا دایی ژی دێ بیتە خوەدان ستاتۆیەک سییاسی. لێ مژارا یەکیتیێ نە تشتەکە کو پر کەس خوە نێزیکی وێ بکەن. د ناڤ کوردان دا لایانەک ژی ھەیە کو دوژمناھیا یەکیتیا رۆژئاڤا دکەت. ھێزا کو ڤی لایانێ دژی یەکیتییا رۆژئاڤا تێر دکەت، مەزن دکەت و پال ددەت پەکەکە و خەباتکارێن چاپەمەنیا پەکەکێ ب خوە نە.
گەر ل رۆژئاڤا یەکبوون پێک بهێت، “کورد دێ وندا بکەن” “ئارمانجا گوفتووگۆیێن رۆژئاڤا ژناڤبرنا پەکەکێ یە” “گەر ENKS و PYND رێکەفتنێ بکەن، و فکرا “خیانەتەکە ل شۆرەشا رۆژئاڤا دهێتە کرن” دخوازن کو د مەژیێ کوردان دە جھ بکەن. ژ بۆ ڤێ یەکێ ژی ئەڤ ستراتەژیە گاڤ ب گاڤ ب پلانگەرییەکا خۆرت دهێتە مەشاندن.
گەلۆ ما PDK د ناڤبەرا رۆژئاڤا و باشوور دە ھەر 500 میتران دا قەرەقۆلەک ئاڤا کریە؟
لنگێ یەکەم یێ ڤێ ستراتەژیێ ئەوە کو ئەنەکەسێ وەکو نەیارێ کوردان نیشان بدەن. ب خوەزایی ئەنەکەسە و تێکلیێن ل گەل پەدەکێ ب رەنگەک وەرماندی ددەنە نیشاندان و گرێدانەک ب ترکیەیێ ڤە ژ بۆ ئاڤا دکەن. فۆرمولا ENKS = PDK = ترکیە دخازن چێبکەن. چاپەمەنیا پەکەکێ ژی ل گۆری ڤێ ستراتەژییێ دەست ب چێکرنا نووچەیێن درەو کر کو ڤێ فۆرمولێ بێخە ناڤا گۆشت و ھەستی دا. نووچەیا یەکەم دبێژیت “PDK ل سەر سینۆرێ رۆژئاڤا زێدەتری 40 قەرەقۆل ئاڤا کرینە.
ل گۆری نووچەیێن د “هەوار نیوز” و مەدیایێن دی یێن بسەر پەکەکێ دا، پەدەک-ێ ٤٠ قەرەقۆل ل دەردۆرا دەریێ سینۆری یێ سێمالکایێ د ناڤبەرا رۆژئاڤا و باشوورێ کوردستانێ دا ئاڤا کرنە. دبێژن سەدەما ئاڤا کرنا ڤان قەرەقۆلان ئەوە کو دەما ترکییا ئێریشی رۆژئاڤا کر دێ پەدەکە ژی دگەل وان ئێریشێ کەت. ل سەر ڤێ یەکێ گەلەک تیئۆریا مۆئامرێ ھاتیە چێکرن. لێ بەلێ، چاڤکانیێن ھەرێمی کەسەکێ ژی ئەڤ ئاگەھداری پشتراست نەکرن. سنۆرێ د ناڤبەرا رۆژئاڤا باشوور دا دو پارچەیە. یا یەکەم بەشەک ژ پرا سحێلا بەر ب سێکووچا باکوور، باشوور و رۆژئاڤا دگەهنە ھەڤ، کو ئاڤا خابوور تێرا دەرباس دبیت و درێژاھیا وێ 5.5KM. ژ غەیری قەرەقۆلێن کو ب سالانە ل وێ دەرێ ھەنە، هیچ قەرەقۆلەک دی نەھاتینە چێکرن. ل بەشا دویەمینا سنۆرێ رۆژئاڤا و باشوور، بەر ب چییایێ شەنگالێ ڤە درێژ دبیت، ئێدی ئاڤ د ناڤبەرا باشوور و رۆژئاڤا ناحەرکیت. پشتی خیانەتا 16ێ ئۆکتۆبەرێ ، پرانیا سنۆرێ ڤێ ھەرێمێ ژ لایێ حەشدا شەعبی ڤە ھاتە کۆنترۆل کرن. سینۆرێ حکوومەتا ھەرێما کوردستانێ ل ڤێ دەڤەرێ 24 کلۆمیترن کو ژ سحێلا حەتا مەحموودییێ درێژ دبیت. سنۆر ب گشتی ھەما 30 کیلۆمیترە. ل گۆری نووچەیا پەکەکێ، پەدەکێ د ناڤبەرا ڤان 30 کیلپمیتران دا نێزیکێ 50 قەرەقۆل ئاڤا کرنە، ئانکو ھەر 500 میتران قەرەقۆلەک ئاڤاکرییە.
نووچەیێن مەدیایا پەکەکێ نە تەنێ درەوە د ھەمان دەمێ دا دووری مەنتقی یە ژی. لێ ژ بۆ کو نووچەیا درەوا خوە وەکو راستی بدەنە دییار کرن، وێنەیێن قەرەقۆلێن کو ڤان 3 سالێن دوماهیێ ل سەر سنۆرێ د ناڤبەرا حکوومەتا ھەرێما کوردستانێ و حەشدا شەعبی دا بوون ھاتنە پارڤە کرن. بۆچی میدیایا پەکەکێ ژ بھێزکرنا سنۆرێ د ناڤبەرا حکومەتا ھەرێما کوردستانێ و حەشدا شەعبی دا عاجز دبیت؟
پاشان، “ھەوار نیۆز” نووچەیەک دی یا لەزگین بەلاڤ کر و گۆت: ل رۆژئاڤا میت سیخوورییێ پێش تێخیت. دووڤ را ئەو ناڤێ چەند سڤیلێن بەلنگاز بەلاڤ دکەت و دبێژیت ئەڤە جاسوسن. ژ بۆ سازیا ئیستیخباراتێ یا ل باشوور دخەبتن. ھەلبژارتنا دەمی بێ کێماسییە، ھەما پشتی کو دانووستاندنێن د ناڤبەرا ENKSێ و PYND دa بلەز بوون و جێمس جێفری چوو سەردانا رۆژئاڤا و ژ وان خواست کو رێکەفتنەکێ چێبکەن ئەڤ نووچەیێن درەو هاتنە سەرڤیس کرن. دیسا ژ بۆ یاریان ب هەستێن گەلێ کورد بکەن د نووچەیێ دا بەحسا میتێ دکەن. دخازن تێگھشتنەکێ ب ئافرینن. ناڤەرۆکا نڤیسینێ ژی لسەر ڤی بابەتی دهێتە نڤیسین. دیسا ب گۆتنێن درەو دخازن کەرب و کینێ ناڤا گەلێ نکورد دا بەلاڤ بکەن.
تیما بەکۆیێ عەوان لسەر کارە
بێ گومان ئەڤ تیمە دخازیت بنگەهسازیا بیردۆزا سیاسی یا ڤێ تێگھشتنێ ئاڤابکەت. ئەز دبێژمە ڤان تیما بەکۆیێ عەوان. د ناڤبەرا مەم و زینێ دا ستریەک ووسا ژی ئەڤ تیمەیە. ئەڤە ستریێن د ناڤا کوردان دا نە. سەرکێشێ ڤێ تیمێ بەکۆ عەوانێ مەزن فەردا چەتینە. دو نیقاشێن سەرەکی یێن ل ژۆر ھاتنە باس کرن ھەنە،یا یەکەم کو پەیوەندیێن ئەنەکەسێ و ترکیایێ ب ھەڤ ڤە گرێ ددەت. ھەیا ئەو قاس پێشدا دبە دوماهیێ دا ژی، دبێژیت ب هاریکاریا ترکیایێ و پەدەکێ رۆژئاڤا ھاتییە داگیرکرن.
ئەو دبێژن کو یەکیتیا د ناڤبەرا ENKSێ و PND دا ماییندە نابیت، یەکیتیا راستین دڤێت د ناڤبەرا پەدەکێ، گۆران، یەنەکێ و پەکەکێ دا ھەبیت. ب گۆتنەکا دی، تاکتیکا بنگەھین یا کو پەکەکە ھەر گاڤ بکار دئینیت ئەڤەیە کو ئارمانجێن مەزن نیشان بدەت و تشتەکێ ژی ناخازیت. ب راستی، پەکەکە ناخازیت یەکیتیەک د ناڤبەرا ھێزێن سیاسی یێن ل رۆژئاڤا دا دروست ببیت. سەدەما سەرەکەیا ھەر تشتی ئەوە کو پەکەکە یەکیتیەک ب ڤی رەنگی ژ بۆ بەرژەوەندیێن خوە یێن حیزبی خەتەر دبنینیت و دبێژیت زەرەرێ دگەهینیتە من.
ما رۆژئاڤا یەکینەیەکا پەکەکێیە ؟
پەکەکە دخوازیت کو رۆژئاڤا مینا یەکینەیەک لەشکەری رێڤە ببەت. حەتا دخازیت وێ مینا کەمپا مەخموور ب رێڤە ببەت. دڤێت ھلبژاردنێن سەمبۆلیک بهێنە چێکرن، مرۆڤ وەسا ببینیت کو ھەلبژارتن ھەموو تشتی دییار دکەت، لێ ب راستی کادرێن ژ قەندیلێ تێنە شاندن خەباتێ سازدکەن. یێن ھاتین ھەلبژاردن وەکو سەنەمەکێ د جامخانەیا دوکانەکا جلکان دا دهێنە بکار ئانین. ھەلبژاردن تێنە چێکرن لێ بەلێ بەرییا چەند مەھان ل قەندیل تێن ئەرکدارکرن. مرۆڤێن سڤیل وەکو ھەڤسەرۆک تێن دییارکرن لێ سەبری ئۆک و ئالدار خەلیل گازی وان ھەڤسەرۆکان دکەن و تەعلیماتان ددنە وان.
پەکەکە ئابۆریا رۆژئاڤا ژی رادەستی وان ناکەت. ئەو ژ قەندیلێ رادبیت و کارمەندەکی 30 سالی وەکو کارمەندێ دارایی دەستنیشان دکەت. ئەم تێکەلی یێن دی یێن تەوافقی و سیاسی ژی ناھەژمێرین. تەنێ د وارێ ئیداری دا ژی نێزیکاتیەک ب ڤی رەنگی تووند یا حزبی ھەیە. ب گۆتنەکا دی، پەکەکە دخازیت کو رۆژئاڤایێ کوردستانێ تەنێ یا وی بیت. ژ مەزلووم عەبدی دهێتە خواستن کو ھەر رۆژ نۆتەک ئاگاھداریێ ژ قەندیلێ را بنڤیسە و تەعلیماتان وەربگریت. پەکەکە دخازیت کو رۆژئاڤایێ کوردستانێ مینا رەزێ بابێ خوە ب رێڤە ببەت. بلا ھەر کەس د بن فەرمانا وان دا بژیت. ئارمانجا ڤان نووچەیێن درەو ھەمی ئەڤە یە.
ب راستی، ئێریشا پەکەکێ یا ل دژی ھەڤدیتنێن یەکیتیا د ناڤبەرا ئەنەکەسێ و پەیەنەدێ دا ئارمانجا دی ژی ئەوە کو کارمەندێن رۆژئاڤایی یێن دخازن یەکیتی چێببیت ئارمانج بکەت. گەر ئەنەکەسە میت بیت، وێ دەمێ ژ کادر و سیاسەتمەدارێن پەکەکێ یێن رۆژئاڤا را تێ گۆتن کو ھوون ب دژمنی را ھەڤکاریێ دکەن. ئەو تێن تەوانبار کرن.
وەکی دی، نە د ناڤبەرا رۆژئاڤا و باشوور دا 40 قەرەقۆل ھەنە، نە ژی پلانەکا باشوور ھەیە کو رۆژئاڤا داگیر بکەت. نە ژی ئەڤ ئاخافتنێن یەکیتیێ ب میت-ێ ڤە تێکەلدارن. تەنێ راستییەک ھەیە کو کۆما بەکۆ عەوانان کو خوە کادر ب ناڤ دکەن دخوازن مینا ستریەکێ د ناڤ گەلێ کورد دا شین ببن.
