سكرتێرێ ناتۆیێ سه‌ره‌دانا تركیێ و یۆنانێ دكه‌ت

سكرتێرێ ناتۆیێ سه‌ره‌دانا تركیێ و یۆنانێ دكه‌ت

سكرتێرێ گشتی یێ هه‌ڤپه‌یمانییا باكورێ ئه‌تله‌سی ناتۆ، یێنس ستۆلتەنبەرگ ئیرۆ سەردانا ئەنقەرێ دکەت و دێ دەستپێکێ ل گەل وەزیرێ دەرڤەیێ ترکیێ، پشترە ژی ل گەل بەرپرسێن دن ێن ترکیێ جڤینان پێكئینیت.

ل گۆری ئاگاھیێن کو ھاتنە بەلاڤ کرن، ستۆلتەنبەرگ دێ ئالۆزیێن ل دەریا یا سپی و ئیجه‌ ل گەل بەرپرسێن ترکیێ گۆتووبێژ بکەت، ستۆلتەنبەرگ دێ ژ بۆ رۆژه‌كێ ل تركیێ مینیت و پشتره‌ رۆژا سێشەمێ دێ چیته‌ یه‌ونانستانێ و ل گەل بەرپرسێن وی ولاتی ژی جڤینان ئه‌نجام ده‌ت.

پشتی جڤینا ترکیێ و یه‌ونانستانێ یا رۆژا 10 ئیلۆنا رابووری كو ل بارەگەھا ناتۆ ل بروکسەلێ هاتبوو ئه‌نجام دایین، رێکكەفتن ل سەر نەخشەرێیەکێ ھاتبوو کرن کو مەکانیزمەک ژ بۆ کێمکرنا ئالۆزیێن ل دەریایا سپی و ئیجه‌یێ بھێته‌ دانین.

ترکیە و یه‌ونانستان رازی بوونە ب مەکانیزمایەکە نوو یا ناتۆیێ، ژ بۆ رێگریکرنا ل بەر زێدەبوونا ئالۆزیێن د ناڤبەرا وان دا، کو ب سەدەما پێنگاڤێن ترکیێ یێن ژ بۆ گەرا ل دووڤ ئەنەرژیێ ل رۆژھه‌لاتا دەریایا سپی زێدە بوویە.