ره‌ڤاندنا وه‌لاتیێن عه‌فرینێ ژ بال كۆمێن چه‌كدارێن گرێدای تركیێ به‌رده‌وامه و د ده‌ما حه‌فتییه‌كێ ده، 8 كه‌س ژ 2 گوندان هاتنه ره‌ڤاندن.
رێخستنا مافێن مرۆڤان یا عه‌فرینێ ئیرۆ رۆژا چارشه‌می 7/10/2020ێ ئه‌شكه‌ره كر، چەکدارێن سەر ب ئارته‌شا ترکیێ ڤە، 8 کەس ژ 2 گوندێن عه‌فرینێ رەڤاندن، بەشەک ژ وان پشتی پەرە دانه چەکداران، ھاتن بەردان.
ده‌ست نیشان كر، گرووپا چەکداران یا ب ناڤێ پۆلیسێن لەشکری ژ رۆژا 2ێ ڤێ مەھێ ڤە 3 جوان ژ گوندێ ماراتێ رەڤاندنه.
ناڤێن کەسێن ھاتنە رەڤاندن وھا نە: عەدنان جنجی 23 سالی، مستەفا عەبدولرەحمان خەلیل 24 سالی، بەسام عەبدۆ قلێچ 17 سالی.
رێخستنا مافێن مرۆڤان دیار کر، چەکداران پشتی چەند رۆژان جوانێ ب ناڤێ بەسام عەبدۆ قلێچ بەردان و 2 کەسێن دن ھینا نها چارەنڤیسا وان نە دیارە.
راگھاند ژی، 5 کەس ژ باژارۆکێ ماباتایێ ژ ئالیێ پۆلیسێن لەشکری ڤە ھاتن رەڤاندن، پشتره ژ ھەر کەسەکی 600 لیرەیێن ترکی ستاندن، ئەو بەردان.
ژ دەما داگیرکرنا عه‌فرینێ ژ ئالیێ ئارته‌شا ترکیێ و گرووپێن چەکدار ڤە، ب ھەزاران کوردێن عه‌فرینێ ھاتنە رەڤاندن، ھەتا نھا ژی چارەنڤیسا ھەژمارەکە مەزن ژ رەڤاندیان نە دیارە.
