چه‌كدارێن په‌كه‌كێ ل گه‌لیێ بازێ تێن بۆردۆمان كرن

چه‌كدارێن په‌كه‌كێ ل گه‌لیێ بازێ تێن بۆردۆمان كرن

باله‌فرێن جه‌نگ یێن ده‌وله‌تا تركیێ، ل شه‌ڤا ده‌رباسبوویی جاره‌كه‌ دی ئێریشی چه‌كدارێن په‌كه‌كێ ل باشوورێ كوردستانێ كر و لڤ و ته‌ڤگه‌رێن گه‌ریلایان ل گونده‌كێ سینۆرێ پارێزگه‌ها دهۆكێ هه‌ده‌ف كرن.

چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره‌ كر، ل شه‌ڤا ده‌رباسبووی باله‌فرێن جه‌نگ یێن ده‌وله‌تا تركیێ، حه‌ره‌كه‌تێن چه‌كدارێن په‌كه‌كێ ل گه‌لیێ بازێ یێ گرێدای ناڤچه‌یا كانی ماسێ ل ده‌ڤه‌را به‌رواری بالا هه‌ده‌ف كرن.

ده‌ست نیشان كر، ل ده‌مژمێر 10:00 شه‌ڤا ده‌رباسبووی، باله‌فران یه‌ك مووشه‌ك ل گه‌لیێ بازێ كو دبیته‌‌ ئاقارێ گوندێ بازێ دانه‌.

پارتییا كاركه‌رێن كوردستانێ، رۆژ بۆ رۆژێ لڤینا چه‌كدارێن خوه‌ نێزیكی گوند و باژارۆكێن باشوورێ كوردستانێ دكه‌ت، ب ئارمانجا وێ یه‌كێ ئه‌ڤ گونده‌ ببنه‌ مه‌یدانا شه‌ری و ژ وه‌لاتییان بهێنه‌ ڤالا كرن، په‌كه‌كێ ڤێ چه‌ندێ ب ئاوایه‌كێ سیسته‌ماتیك دكه‌ت ژ بۆ كو به‌هانه‌یه‌كێ بده‌ته‌ ده‌ستێ تركیێ بۆردۆمان بكه‌ت و ده‌ڤه‌ر ب ته‌ڤاهی ببیته‌ ده‌ڤه‌ره‌كا سه‌ربازی.