تركیێ 68 مالپه‌رێن كوردی قه‌ده‌خه‌ كرن

ده‌وله‌تا تركیێ پێتر ژ 350 مالپه‌ران ل باكورێ كوردستانێ قه‌ده‌خه‌ كرن، 68 ژێ مالپه‌رێن نووچه‌یان یێن كوردی نه‌.

ل گۆر ئاگاهیێ ده‌ستێ مه‌، رێڤەبەرییا پارێزگەھا ئامه‌دێ، 354 مالپەر «وێب سایت» قەدەخە کرن، د ناڤ دا 68 مالپەرێن نووچەیان یێن کوردان ژی ھەنە، مالپەرێن کوردان یێن دژە په‌كه‌كه‌ ژی ل سەر ناڤێ «په‌كه‌كه‌یی بوونێ» ھاتنە قەدەخە کرن.

ل ترکیێ دەزگەھا راگه‌ھاندنێ یا تەکنۆلۆژیێن زانیارییان كو سازییه‌كه‌ ب سەرۆککۆماریێ ڤە گرێدای یە، بێ بریارا دادگه‌هێ، مالپەران قەدەخە دکەت.

پارێزگەھا ئامه‌دێ داخویانییەک دا و دیار کر کو ل گەل رێڤەبەرییا سووچێن سیبەرا جەندەرمەیان یا باژاری 2 مەھان لێکۆلین کرنە، د ئەنجاما لێکۆلینان دا 354 مالپەر قەدەخەکرنە.

ل گۆر داخویانیێ مالپەرێن پرۆپاگاندایا په‌كه‌كێ دکه‌ن و یێن قومارێ ددن کرن ھاتنە قەدەخە کرن، ل بەلێ گەلەک مالپەرێن نوچەیانێن کوردان کو ل دژی په‌كه‌كێ ژی وەک په‌كه‌كه‌یی نیشاندانە و قەدەخەکرنە.

د داخویانیا پارێزگه‌ها ئامه‌دێ دا وها هاتییه‌ نڤیساندن: «ل گۆری قانوونا ھەژمار 5651 یا رێزکنامەیا وەشانێن ل سەر ئنتەرنێتێ و تێکۆشینا دژی سووچێن کو ب ڤان وەشانان ھاتی کرین، 286 مالپەرێن بێئه‌خلاقیێ و 68 مالپەرێن ناڤەرۆکێن پرۆپاگاندایا رێخستنا په‌كه‌كێ بەلاڤ دکه‌ن ھاتن دەستنیشان کرن، ژ بۆ قەدەخەکرنێ ئاگاھیێن ڤان 354 مالپەران ژ بۆ دەزگەھا راگھاندنێ یا تەکنۆلۆژیێن زانیاریێ ھاتن شاندن، لەوما ھاتنە قەدەخە کرن».

پوستێن ھەمان بەش