“ئەندامەکی پەکەکێ خوە تەقاند”

پارێزگارێ ھاتایێ دیار کر کو تەقینا شەڤا رابووری ژ ئەنجاما ئێریشەکا ئەسمانی ل سەر ٢ گومانبارێن پەکەکێ بوو کو پشترا یەک ژ وان خوە تەقاندیە.

ل ناڤچەیا ئیسکەندەروونا ھاتایێ شەڤا رابووری تەقینەکێ روو دا و د ئەنجامێ دا چەند وەلاتی بریندار بووبوون.

پارێزگارێ ھاتایێ رەحمی دۆگان گۆت: “پەکەکە ئێدی ب تەمامی ژ چیایێ ئامانۆسێ دەرکەتیە. بەرێ ١٥٠ ھەتا ٢٠٠ پەکەکەیی لێ ھەبوون.”

دۆگان ژ رۆژنامەگەران را راگەھاند، ھێزێن ئیستیخباراتێ جھێ ٢ ئەندامێن پەکەکێ دیتن و د دەمژمێر ١١:٠٠ێ  ژ لایێ ھێزێن ئەسمانی ڤە راستی ئێریشێ ھاتن.

پارێزگارێ ھاتایێ ئۆپەراسیۆن و ئێریش ب ڤی رەنگی ڤەگێراندن، ھەر دو ئەندامێن پەکەکێ یێن داکەتیە ئەسکەندەرۆنێ ژ لایێ ھێزێن ئەولەکاریێ ڤە راستی ئێریشێ ھاتن و رەڤیان. د قۆناخا یەکەم دا شەرەکی کورت ل خالا پشکنینێ یا پایاسێ چێ بوو و پشتی ھینگا ھێزێن ئەولەکارییێ ئەو شۆپاندن و یەک ژ وان خوە تەقاند. پشترا ژی یێ دویەمین ھاتە گرتن.

ئەڤە د دەمەکێ دایە کو پارتیا کارکەرێن کوردستانێ (پەکەکێ) ھەتا نھا دەربارێ بوویەرێ هیچ داخویانیەک بەلاڤ نەکرنە.