د ئێریشا چه‌كدارێن په‌كه‌كێ یا ئیرۆ ده كو ل سینۆر پارێزگه‌هییا دهۆكێ هاتییه ئه‌نجام دایین، پێشمه‌رگه‌یه‌ك ب ناڤێ «هێرش جه‌وهه‌ر محه‌مه‌د» شه‌هید كه‌تییه.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كر، د ئێریشا ئیرۆ رۆژا چارشه‌میێ دا كو چه‌كدارێن په‌كه‌كێ ب رێیا بۆمبه‌كا چاندی ل دژی هێزێن پێشمه‌رگه‌یێن باشوورێ كوردستانێ ل سینۆرێ پارێزگه‌ها دهۆكێ ئه‌نجام داییه، پێشمه‌رگه‌یه‌ك شه‌هید كه‌تییه و دوو ژی بریندار بوونه.
ده‌ست نیشان كر، ئه‌ڤ ئێریشا په‌كه‌كێ ب ته‌رزێ رێخستنێن ته‌رۆریستی ل گه‌لیێ كانی مازێ یێ سینۆرێ ناحیا چه‌مانكێ گرێدای پارێزگه‌ها دهۆكێ پێكهاتییه.
ئیرۆ ل ده‌ما ده‌رباسوونا ئۆتومبێله‌كه پێشمه‌رگه‌یان، په‌كه‌كێ بۆمبه‌كه چاندی ب وان ڤه ته‌قاند، ل ده‌ستپێكێ 3 پێشمه‌رگه بریندار بوون و برینا دوو ژ وان خه‌ته‌ر بوو، پشتره یه‌ك ژێ ب ناڤێ «هێرش جه‌وهه‌ر محه‌مه‌د» جانێ خوه ژ ده‌ست دا.
