ته‌كتیكا «داعش و قاعیده‌» ته‌رزێ نوو یێ خه‌باتا په‌كه‌كێ یه‌

ته‌كتیكا «داعش و قاعیده‌» ته‌رزێ نوو یێ خه‌باتا په‌كه‌كێ یه‌

پارتییا كاركه‌رێن كوردستانێ ژ پاش بوویه‌را «زینی وه‌رتێ» تاكیتكا شه‌ر و ئاوایێ ته‌ڤگه‌ریانا خوه‌ گوهارتییه‌، وێ ته‌رزێ رێكخستنێن ته‌رۆریستی یێن داعشێ و قاعیده‌ كرییه‌ ئه‌ساسێ خه‌باتا خوه‌ یا سه‌رده‌م، لێ به‌لێ نه‌ ل دژی دوژمنێن گه‌لێ كورد به‌لكو ل دژی برایێن خوه.

چه‌كدارێن پارتییا كاركه‌رێن كوردستانێ ژ 8 ئۆكتۆبه‌را سالا 2020ێ، 3 كریار كرینه‌ كو مرۆڤ ژ كیژان ئالی ڤه‌ ل ڤان كریاران ب نێریت، دێ هه‌ر ل سه‌ر كاته‌گۆرییا ته‌رۆرێ هێنه‌ هه‌ژمارتن، ژ به‌ركو تاكتیك و ئاوایێ ئه‌ڤ چالاكییه‌ پێ هاتینه‌ ئه‌نجام دان، ته‌نێ ته‌رۆریست ڤێ سه‌رده‌مێ بكاردئینن.

  • په‌كه‌كێ ل 8 ئۆكتۆبه‌را سالا 2020ێ، غازی سالح ئالیخان یێ برێڤه‌برێ خالا سنۆری یا سه‌رزێری، ل ناڤا مالا وی و ل پێش چاڤێن زارۆیێن وی قه‌تل كر، چه‌كدارێن په‌كه‌كێ ب فه‌رمانا موراد كارایلان، ئه‌ڤ كارێ قرێژ ئه‌نجام دا، غازی ب چه‌كێ نیشانه‌شكێن هاته‌ هه‌ده‌ف كرن.

  • پشتره‌ و به‌رییا چه‌ند رۆژه‌كان ب تایبه‌ت ل 28 مه‌ها ئۆكتۆبه‌رێ، چه‌كدارێن په‌كه‌كێ بۆرییا ڤه‌گوهستنا په‌ترۆلا باشوورێ كوردستانێ ته‌قاندن، ئه‌ڤ بۆری ب رێیا بۆمبه‌یه‌كێ هات هه‌ده‌ف كرن و بوو ئه‌گه‌ر كو هنارتنا په‌ترۆلێ بهێته‌ راوه‌ستاندن.

  • ئیرۆ رۆژا چارشه‌می 4/11/2020ان، چه‌كدارێن په‌كه‌كێ بۆمبه‌كه‌ چاندنی ل سه‌ر رێیا هێزێن پێشمه‌رگه‌ ل سنۆرێ پارێزگه‌ها دهۆكێ ته‌قاندن و ئه‌ڤ یێك بوو سه‌ده‌ما بریندار كه‌تنا 2 پێشمه‌رگه‌یان و شه‌هید بوونا یه‌كێ دی.

په‌كه‌كه‌ ئێدی چه‌كدارێن خۆ ل سه‌ر ڤی كاری په‌روه‌رده‌ دكه‌ت

ئه‌ڤ 3 چالاكیێن په‌كه‌كێ، پێویستی ب چ شرۆڤه‌ و لێكۆلینان نینه‌ كو مرۆڤ بزانیت ب چ تاكتیكێ هاتینه‌ ئه‌نجام دان، چالاكییا كو غازی ئالیخان تێدا‌ هاتییه‌ شه‌هید كرن، په‌كه‌كێ ب تاكیتكا لێخه‌ و برڤه‌ ب چه‌كێ نیشان شكێن كرییه‌، هه‌روه‌ها چالاكییا ته‌قاندنا بۆرییا په‌ترۆلا كوردستانێ ب رێیا بۆمبێن ب ده‌ست چێ كری بوو، هه‌روه‌ها چالاكییا ئیرۆ یا ل دژی پێشمه‌رگه‌یان ژی، هه‌ر ب ته‌قاندنا بۆمبێن چاندی بوو.

یا راست په‌كه‌كێ ئه‌ڤ هه‌رسێ بوویه‌ر وه‌ك‌ تاكتیك و فكر ب ته‌رزێ رێكخستنێن ته‌رۆریستی یێن مینا «داعش و قاعیده‌» ئه‌نجام داینه‌، ئه‌ڤ ژی ب وێ واتایێ دهێت كو رێكخستنا په‌كه‌كێ سه‌متا خولێن په‌روه‌رده‌كرنا شه‌رڤانێن خوه‌ گوهارتییه‌ و ئێدی وان ل سه‌ر كریارێن ته‌رۆریستی و تاكتیكێن ته‌رۆریستان په‌روه‌رده‌ دكه‌ت.

ل رۆژێن ده‌رباسبوویی په‌كه‌كێ و شه‌یدایێن وان یێن باشوورێ كوردستانێ ب تایبه‌ت ل پارێزگه‌ها سلێمانیێ، كه‌تنه‌ ناڤا هه‌ولێن مه‌زن دا‌ و جه‌نگه‌كا مه‌دیایی ل دژی حكوومه‌تا باشوورێ ولات ده‌ست پێ كرینه‌، په‌كه‌كه‌ دخوازیت‌ جه‌وه‌كێ وه‌ها چێبكه‌ت كو ئه‌ڤه‌ حكوومه‌تا باشووره‌ ئه‌گه‌را ڤێ ره‌وشێ، لێ به‌لێ ئه‌ڤ 3 كریارێن وێ یێن ته‌رۆریستی نموونه‌یێن هه‌ری زه‌لالن ژ بۆ نیازا په‌كه‌كێ ژ بۆ گه‌لێ باشوور.

مه‌دیایا یه‌نه‌كێ پشتگریێ دده‌ته‌ كریارێن ته‌رۆریستی یێن په‌كه‌كێ 

په‌كه‌كه‌ ب ده‌هان نووچه‌ سێرڤێس كرینه‌ و تێدا برۆپاگندایا وێ یه‌كێ دكه‌ت كو ئه‌ڤه‌ په‌ده‌كه‌یه‌ دخوازیت شه‌ری بكه‌ت، ئه‌ڤ یه‌ك د داخویانیێن رێڤه‌به‌را په‌كه‌كێ یا ب ناڤێ «به‌سێ هۆزات» یا كو ژبلی قرێژ و گه‌مارێ چ په‌یڤه‌كا دی ژ ده‌ڤێ وێ ده‌رناكه‌ڤیت ب زه‌لالی خویایه‌، «به‌سێ هۆزات» د داوی داخویانییا خۆ دا گۆت: «پێشمه‌رگه‌ نه‌ برایێن مه‌نه»‌، ئه‌ڤ ژی نه‌ ئاماژه‌یه‌كه‌، به‌لكو گۆتنه‌كا‌ گه‌له‌ك زه‌لاله‌ كو گه‌ر شه‌ر ده‌ست پێ بكهت‌، ل وی ده‌می شه‌ر یێ براكوژیێ نابیت.

ل ئالیێ دی، مه‌دیایا كو ل سه‌ر یه‌كێتییا نشتیمانی یا كوردستانێ دهێته‌ حه‌ساب كرن، ژ رووژێن رابووری ڤه‌ ب ئاوایه‌كێ بێ شه‌رمانه‌ پشتگریێ دده‌ته‌‌ ڤان كریارێن ته‌رۆریستی یێن په‌كه‌كێ ل دژی حكوومه‌ت و پێشمه‌رگه‌یێن كوردستانێ و ب چ ئاوایی ئه‌ڤ كریارێن په‌كه‌كێ شه‌رمه‌زار نه‌كرینه‌.

پوستێن ھەمان بەش