باباجان: ترکیا ل سەر شاشیێن خوەیێن سووریێ بەردەوامە

باباجان: ترکیا ل سەر شاشیێن خوەیێن سووریێ بەردەوامە

 سەرۆکێ پارتیا دیمۆکراسی و پێشڤەچوونێ (DEVA) عەلی باباجان دەربارێ سیاسەتا حکوومەتا ترکیێ د سووریێ دا راگەھاند کو حکوومەت د سیاسەتا سووریێ دا پێداگر و بەردەوامە ل سەر پاراستنا شاشیێن خوە.

رێخستنێن پارتیا DEVA یێ ل باژێرێ مێردینێ یێ باکورێ کوردستانێ یەکەمین کۆنگرەیا خوە یا ئاسایی ئەنجام دا. سەرۆکێ گشتی یێ پارتیا DEVA ، عەلی باباجان ژی بەشداری کۆنگرەیێ بوو و گۆتارەک پێشکێش کر.

عەلی باباجان تێکلداری سیاسەتا ترکیێ یا ل سووریێ گۆت کو ترکیا د شەرێ سووریێ دا بوویە لایەنەک و پێتڤییە ل شوونا شەر و تەڤلیھەڤیان، ناڤچەیێ بەر ب  ئاشتیێ ڤە ببەت.

سەرۆکێ گشتی یێ پارتیا DEVA ھەروھا ئاماژە ب وێ یەکێ کر کو هیچ د مفایێ ترکیێ دا نینە ب ئایدۆلۆژییێن تەنگ تەڤلی رەوشا ل سووریێ ببیت و حەتا ئاشتی نەهێت پێکانین مرۆڤ  دێ ل وێ دەرێ هێنە کوشتن.