ئارته‌شا تركیێ ئیرۆ ئۆپه‌راسیۆن ل دژی په‌كه‌كێ ل باكورێ كوردستانێ ئه‌نجام دا و ئاگاهیێن ئه‌ول نیشان ددن كو دوو چه‌كدارێن په‌كه‌كێ هاتنه كوشتن.
ل گۆری ئاگاهیێن ده‌ستێ مه، ئیرۆ رۆژا چارشه‌می 11/11/2020ان، ئارته‌شا تركیێ ل خوزاتا ناڤچه‌یا دێرسمێ یا باكورێ كوردستانێ، ئۆپه‌راسیۆن ل دژی په‌كه‌كێ ئه‌نجام دا و دوو چه‌كدارێن په‌كه‌كێ كه‌تن به‌ر ئێریشان و جانێ خوه ژ ده‌ست دا.
تێ زانین ئارته‌شا تركیێ ئه‌ڤ دوو چه‌كدارێن په‌كه‌كێ ب ئێریشا هه‌وایی یا باله‌فرێن جه‌نگ هه‌ده‌ف كرنه.
پارتییا كاركه‌رێن كوردستانێ و بالێ وێ یێ سه‌ربازی تو ئاگاهی ل ده‌ربارا ئۆپه‌راسیۆنێ و ژ ده‌ست دایینا چه‌كدارێن خوه نه‌دانه.
هه‌ر ئیرۆ ل دۆربه‌را باژارێ مێردینێ، ئۆپه‌راسیۆنا ئارته‌شا تركیێ ل دژی په‌كه‌كێ پێكهات و د ئه‌نجامێ ده موهماتێن و ئالاڤێن په‌كه‌كێ یێن ژێر ئه‌رد ده‌ست ب سه‌رده هات گرتن.
