بارزانی: عەرەبێن ئیراقێ دیسا خەنجەر ل پشتا کوردان دا

بارزانی: عەرەبێن ئیراقێ دیسا خەنجەر ل پشتا کوردان دا

مەسعوود بارزانی سەرۆکێ پارتییا دیمۆکراتا کوردستانێ، پەیامەک دەربارا دژایەتیکرنا هەرێما کوردستانێ ژ لایێ لایەنێن عەرەبی یێن سوونە و شیعە د پارلەمانا عیراقێ دا بەلاڤکر.

د پەیاما بارزانی دا هاتیە: ئەم ڤێ یاسایا ئەنجوومەنا نوونەرێن ئیراقێ کو ب بێ بەرچاڤ وەرگرتنا بنەمایێن شەراکەت و رێکەفتنان هاتیە دەرکرن، ب بابەتەک سیاسی ژ بۆ گڤاشان ل سەر هەرێما کوردستانێ و سزادانا خەلکێ کوردستانێ دبینین کو ئەڤە ژی بەرەڤاژی بنەمایێن شەراکەت و تەوافق و هەڤسەنگییا دناڤبەرا پێکهاتەیێن ئیراقێ یە و شیوەیەکە ژ شەرفرۆتنێ.

هەر وەها بارزانی د پەیاما خوە دە راگهاند: داخوازێ ژ سەرۆکاتیا هەرێمێ و پەرلەمان و حکوومەت دکەم کو د گەل نوونەرێن کوردستانێ ل بەغدایێ و ئالیێن سیاسی یێن هەرێمێ، ب هەڤ را ل سەر ڤێ مژارێ بجڤن و بگەهنە بریارەک هەڤبەش. بریارەکێ بدەن کو د ئاستا بەرپرساتیێ بیت ژ بۆ چارەسەرکرنا کێشەیان و د هەمان دەم دا ژی کەرامەتا مللەتێ مە بپارێزیت.