ههرسێ سهرۆكاتیێن ههرێما باشوورێ كوردستانێ، ئیرۆ ل دهربارا یاسایا قهرز جڤییان، ههلسهنگاندن ژ بۆ وێ یاسایێ كر ئهوا ل پێنجشهمبیا رابووری پهرلهمانێ ئیراقێ ل دژی كوردستانییان ئهرێ كری.
ههر یێك ژ سهرۆكاتییا ههرێما باشوورێ كوردستانێ، سهرۆكاتییا ئهنجوومهنا وهزیران و سهرۆكاتییا پهرلهمانێ كوردستانێ، ئیرۆ ل دهربارا یاسایا قهرز و كورتهێنانێ یا پهرلهمانێ ئیراقێ جڤییان كو ل پێنجشهمبییا رابووری ل دژی خواستهك و بهرژهوهندیێن گهلێ كوردستانێ ژ بال هێزێن سیاسی یێن ئهرهبێن شیعه و سونه ل سهر بنگهها پرانیێ هاتبوو پهژراندن.
پاش جڤینێ، نێچیرڤان بارزانی سهرۆكێ ههرێما باشوورێ كوردستانێ، د كۆنگرهیهكا رۆژنامهڤانی دا ههلوهستا باشوورێ كوردستانێ ل دهربارا ڤێ یاسایێ ئهشكهره كر.
نێچیرڤا بارزانی گۆت: «ئهڤ یاسا ل دژی ههموو بنهمایێن وێ تهوافق و شهراكهتێ یه ئهوا كو ئیراقا نوو ل سهر هاتییه ئاڤاكرن كو كورد بهشهكێ سهرهكی بوون ژ وێ پێڤاژوویێ ههروهها دیاركر، هێزێن سیاسی یێن عهرهب ئهڤ یاسا ل سهر ئهساسێ پرانیێ ل دژی گهلێ كوردستانێ پهژراند».
سهرۆكێ باشوورێ وهلات گۆت: «ههگهر ئالیێن سیاسی یێن ئیراقێ ڤێ یاسایێ ژ بۆ خوه ب سهركهتن حهساب بكهن، ئهم ژێره دبێژن، ئهڤ مهزنترین شكهستنه، ژ بهر كو ڤێ یاسایێ ستهم و زولمهكا مهزن ل دژی ههرێما باشوور و وهلاتیێن وێ تێدایه».
د بهشهكا دن یا گۆتنێن خوه دا، نێچیرڤان بارزانی گۆت: «ل گهل ڤێ ستهمێ ئێدی گهلێ باشوور ب چ ئاوایی خوه وهكه بهشهك ژ ئیراقێ حهساب بكهت»؟
ل دهربارا سهدهمێن دهركرنا ڤێ بریارێ ژ بال پهرلهمانێ ئیراقێ ڤه، نێچیرڤان بازرانی گۆت: «بۆ وان ئالییێن كو دبێژن و بانگا وێ یهكێ دكن كو ئهڤ یاسا ژ بهر مهلهفا نهفتێ ل دژی كوردستانێ هاتییه ئهرێ كرن، ئهڤ یێك ب چ ئاوایی راست نینه، ژ بهر كو حكوومهتا باشوور پابهندی ههموو ئهركێن خوه ل بهرانبهری ئیراقێ بوویه و ل گۆر لههڤهاتنێ، پێویسته كوژمێ 320 ملیار دینار كو دبیته بهشهك ژ مووچهیێن فهرمانبهران، ههتا داوییا سالا 2020ان ژ بۆ ههرێمێ بهێته شاندن».
نێچیرڤان بارزانی، ههلوهستا ههرێما باشوور ب زهلالی د ڤێ كۆنگرهیا رۆژنامهڤانی دا باس كر و گۆت: «پێویسته حكوومهتا باشوور دابین كرنا مووچهیا فهرمانبهران بكهته ئهولهویهتا خوه».
پارلمهنا ئیراقێ ل پێنجشهمبییا رابووری یاسایا قهرز پهژراند و بهشا باشوورێ كوردستانێ تێدا نههات زهلال كرن و برینا مووچهیا فهرمانبهرێن باشوورێ وهلات ب دهنگێن ئهرهبێن شیعه و سوننه هات ئهرێ كرن.
خالا ناكۆك ل نێڤبهرا ههولێر و بهغدایێ د ڤێ یاسایێ دا ئهڤ بوو، كو ئالیێن شیعه و سوننه خوهستن ب ههر رێیا ههبه، بهشا بودجهیا باشوور نهیێ شاندن، لهوما پهیمانا نێڤبهرا ههولێر و بهغدایێ ئهوا كو ل سالا رابووری هاتییه ئیمزه كرن كو ههرێما باشوور رۆژانه 250 ههزار بهرمیلێن پهترۆلێ ب رێیا شركهتا سۆمۆ یا ئیراقێ بشینه دهرڤه وهلات و ل همبهری ڤێ، حكوومهتا بهغدایێ ب 320 ملیار دیناران ژ بۆ باشوورێ كوردستانێ بشینه كو ئهڤ كوژمه دبیته بهشهك ژ مووچهیێ فهرمانبهرێن حكوومهتا كوردستانێ.