كۆمێن چەکداران یێن ل ژێر فەرمانا ترکیێ د داوی جینایه‌تا خوه ده ل همبه‌ری وه‌لاتیێن كوردێن عه‌فرینێ، 11 کەس ژ 2 گوندێن وێ هه‌رێما رۆژئاڤا كوردستانێ رەڤاندن.
چاڤكانیێن پێگه‌ها داركا مازی ل رۆژئاڤا كوردستانێ ئه‌شكه‌ر كر، كۆمێن چه‌كدارێن گرێدای تركیێ ژ رووژێن رابووری ڤه، 11 كه‌س ژ دوو گوندێن عه‌فرینێ ره‌ڤاندنه و هه‌یا نها چاره‌نڤیسا وان نه‌دیاره.
ده‌ست نیشا كر، ئه‌ڤ وه‌لاتی ژ گوندێ بەھدینا یێ ناڤچەیا راجۆ و گوندێ بێكێ یێ ناڤچه‌یا بلبلێ ره‌ڤاندنه، هنه‌ك ژ وان پاش دانا فدیێ سه‌ربه‌ست هاتنه به‌ردان، لێ به‌لێ هێژان پرانی ژێ چاره‌نڤیسا وان نه‌دیاره.
گرووپا ب ناڤێ ئه‌ل حه‌مزات یا گرێدای ئارته‌شا تركیێ، ل رۆژێن 8 و 12/11/2020ان ئه‌ڤ جینایه‌ت ئه‌نجام دایه.
رەڤاندنا وەلاتیێن کوردێن عەفرینێ ژ ئالیێ گرووپێن چەکدار ڤە بەردەوامە، ل گۆر رێخستنێن مافێن مرۆڤان، ھەتا نھا ب ھەزاران کەس ھاتنە رەڤاندن و چارەنڤیسا بەشەکە مەزن ژی نە دیارە.
