پارێزگارێ هه‌ولێرێ یا پایته‌ختا باشوورێ كوردستانێ، ئیرۆ د ته‌مه‌نا 42 سالیێ ده كۆچا داویێ كر.
د. فه‌رسه‌ت سۆفی یێ پارێزگارێ هه‌ولێرێ پشتی پێکەتنا ب ڤیرۆسا کۆرۆنایێ (كۆڤید-19)، ئیرۆ رۆژا چارشه‌می 18/11/2020ان، کۆچا داوی کر.
پارێزگارێ هه‌ولێرێ ل رۆژا 20 جۆتمه‌هێ ب ڤیرۆسا كۆرۆنایێ كه‌تبوو و پاش كو خه‌ته‌ری كه‌ت سه‌ر ژیانا وی، ژ بۆی ته‌داوی كرنێ بۆ ده‌رڤه‌ی وه‌لات هاتبوو شاندن.
فه‌رسەت سۆفی نامزەتێ پارتیا دەمۆکراتا کوردستانێ بوو د 12ێ ئیلۆنا 2019ان دا وەکە پارێزگارێ ھەولێرێ ھاتبوو ھلبژارتن.
ھەولێر ژ سالا 1923ان ڤە بوویە پارێزگەھ و فه‌رسەت سۆفی پارێزگارێ 41ان یێ هه‌ولێرێ بوو.
هه‌ر ژ وه‌ختا به‌لاڤبوونا نووچه‌یا كۆچا داویێ یا فه‌رسه‌ت سۆفی، گه‌لێ باشوورێ كوردستانێ، رۆشه‌نبیر، نڤیسكار رێخستن و كه‌ساتیێن سیاسی خه‌مگینییا خوه دیار كرنه، د سۆسیال مه‌دیایێ ژی ده ژ ده‌ستدایینا وی ب خه‌ساره‌ته‌كه مه‌زن هاتییه حه‌ساب كرن.
پاش كۆچا داویێ یا فه‌رسه‌ت سۆفی، سه‌رۆكاتیێن هه‌رێما باشوور به‌یانامه‌یێن سه‌رساخیێ پارڤه كرن و تێده خه‌مگینی ب ژده‌ست دایینا پارێزگارێ هه‌ولێرێ نیشان دانه.
