میلیشیایێن سەر ب ترکیێ ڤە 4 ژن و 2 مێر ل عەفرینێ رەڤاندن

میلیشیایێن سەر ب ترکیێ ڤە 4 ژن و 2 مێر ل عەفرینێ رەڤاندن

گرووپێن چەکدارێن ئۆپۆزیسیۆنا سووریێ یێن کو د بن فەرمانا ئارتێشا ترکیێ دا کار دکون، 6 کەس ل عەفرینێ رەڤاندن، 4 ژ وان ژنن.

رێخخستنا مافێن مرۆڤان ل عەفرینێ بەلاڤ کر، گرووپا چەکدارا ب ناڤێ ئەحرار ئەلشەرقیە رۆژا 22ێ ڤێ مەھێ ب سەر گوندێ بافلوورێ یێ ل ناڤچەیا جندرێسێ دا گرت و 4 ژن و مێرەک رەڤاندن.

ناڤێن کەسێن رەڤاندی ئەدیب مستەفا ئەباس، ئایشە ھەمۆ ھوسێن، ئەمینە ھەمیدە ھەنان، شەفیقە مھەمەدن. ل ھەمبەر بەردانا ھەر یەکی ژ وان ژی، ئەو گرووپ داخوازا 1500 – 2000 لیرەیێن ترکی دکەت.

وێ رێخستنێ دیار کر ژی، گرووپا پۆلیسێن لەشکەری رۆژا 22یێ ڤێ مەھێ ل عەفرینێ گەنجێ ب ناڤێ ھۆگر عەلۆ یێ ژ گوندێ دیکێ رەڤاند و حەتا نھا چارەنڤیسا وی نە دیارە.

چالاکڤانێن عەفرینێ دبێژن، ئارمانجا ئارتێشا ترکیێ و گرووپێن چەکدار ژ رەڤاندنا وەلاتیان ئەوە، رەوشەکا گەلەک خراپ و مەترسیدار دروست بکەن، دا کو وەلاتیێن عەفرینێ ژ خاکا خوە کۆچبەر ببن و پرۆسەیا گوھارتنا دیمۆگرافی ببنە سەری.

ھەر د چارچۆڤەیا خراپبوونا رەوشا ئەولەھیێ ل عەفرینێ، دوھی تەقینەکا بھێز ب ریا ئۆتۆمبیلەکا بۆمبەکری ل نێزیکی بازارا کەساکاھیێ یا عەفرینێ روو دا، د ئەنجامێ دا 3 کەسان جانێ خوە ژ دەست دا و نێزیکی 20 کەسان ژی بریندار بوون.

پوستێن ھەمان بەش