پەکەکە مینا ل سەر رێ و چیایێن کوردستانێ ددانیت

پەکەکە مینا ل سەر رێ و چیایێن کوردستانێ ددانیت

هاتە راگەهاندن پشتی شکەستنا پەکەکێ ل هەمبەر لەشکرێ ترکیێ، ل هەر جیهـ و واری پەکەکێ دەست ب دانانا مینان کریە و ب ڤێ سەدەمێ زیان ب خەلکێ باشوورێ کوردستانێ دکەڤیت.

چاڤکانیێن پێگەها دارکا مازی ل باشوورێ کوردستانێ راگەهاندن کو پەکەکێ دەست ب دانانا مین و تەقەمەنیان کریە ل ناڤچەیێن کو ژ نوو ڤە پەکەکە داگیر دکەت، ب تایبەتی پشتی تەسلیم کرنا بەشەکی هەری مەزن ژ ناڤچەیا حەفتەنینێ ب دەولەتا ترکیێ.

چاڤکانیێن پێگەها دارکا مازی د ڤێ دەربارێ دا ئاشکەرا کرن کو ل رۆژا 8/11/2020ێ دا هەموەلاتیەکی باژارۆکێ سۆران ب ناڤێ “محی الدین هەرکی” کو ب مەرەما دەستخستنا دارێن هشک ژ بۆ زڤستانێ چووبوو چیایێ بۆلێ کو دکەڤیتە سنۆرێ سیدەکان، مینەک کو ب دەستێ پەکەکێ هاتبوو چاندن ب وی دا تەقییایە.

هەر وەها هاتە ئاشکەرا کرن کو ل رۆژا 3/11/2020ێ، پەکەکێ بۆمبەیەک چاندی ل سەر رێیا پاسەوانێن سنۆری یێن ئیراقێ کو کوردن دانابوو، چاڤکانیێن پێگەها دارکا مازی ل باشوورێ کوردستانێ راگەهاند ئەڤ بۆمبەیا چاندی ل سەر رێیا نوقتەیێن پاسەوانێن سنۆری ل “پەسارێ بۆسەلێ” یا سەر ب دەرکارێ ڤە هاتبوو چاندن کو ژ لایێ وان هێزان ڤە هاتە پووچکرن و ژناڤبرن.