گه‌را چاره‌مین یا هه‌ڤبه‌ش یا ئارته‌شێن تركیێ و رووسیێ ئیرۆ ل دۆربه‌را باژارێ كۆبانیێ یێ رۆژئاڤایێ كوردستانێ ده‌ست پێ كرن.
ل گۆر ئاگاهیێن ده‌ستێ مه، ھێزێن رووسی و ترکی، ئیرۆ رۆژا پێنجشه‌می 26/11/2020ان، گەرەکە چاڤدێریێ یا ھەڤبەش ل گوندەوارێ رۆژھلاتێ کۆبانیێ کر، د گەرێ دە ژ ھەر ئالییەکی 4 ئۆتۆمبیلێن لەشکەری و زریپۆش بەشدارن.
گەرا ھەڤبەش ژ گوندێ «خاریب» دەست پێ کر و دێ د ھەژمارەک گوندێن ل نێزی سینۆر رە دەرباس ببە.
گەرێن چاڤدێریێ یێن ھەڤبەشێن رووسی – ترکی ل رۆژئاڤایێ کوردستانێ د چارچووڤەیا په‌یمانا سەرۆکێ رووسیا ڤلادیمیر پوتین و سەرۆک كۆمارێ ترکیێ رەجەب تەیب ئەردۆگان یا 22 جۆتمەھا سالا رابووری ل باژارێ سۆچی یێ رووسی دە تێن کرن.
تەنێ د ڤێ مەھێ دە ژی، ئەڤ جارا چارەمینه ھێزێن رووسی و ترکیێ گەرێن چاڤدێریێ یێن ھەڤبەش دکن.
