ل ناڤچه‌یێن داگیركری یێن رۆژئاڤا كوردستانێ، شه‌ر ل نێڤبه‌را ئارته‌شا تركیێ و شه‌رڤانێن هێزێن سووریایا ده‌مۆكراتیك ده چێبوو، 4 شه‌رڤانان جانێ خوه ژ ده‌ست دا.
چاڤكانیێن خوه‌جهی یێن رۆژئاڤا كوردستانێ ئه‌شكه‌ره كر، د ده‌ما 24 ساعه‌تێن رابووری ده و ژ ئێنجامێ شه‌ر و په‌ڤچوونا ل نێڤبه‌را شه‌رڤانێن هه‌سه‌دێ و عه‌سكه‌رێن ترك ده ل سینۆرێ عه‌ین عیسایێ چێبووی، 4 شه‌رڤان هاتنه كوشتن.
ده‌ست نیشان كر، ئارته‌شا تركیێ ب چه‌كێن گران دۆربه‌را باژارۆكێ عه‌ین عیسایێ تۆپباران كر.
ئه‌ڤ ئێریش هه‌م ده‌من ل گه‌ل ئێریشێن تركیێ و كۆمێن چه‌كدارێن گرێدای وێ یێن رۆژێن رابووری ل سه‌ر باژارۆكێ عه‌ین عیسایێ كو ب سه‌ده‌ما تۆپبارانا 28 ڤێ مه‌هێ زرار ب مالێن شێنییان كه‌تبوون و ژنه‌ك و دوو زارۆكێن وێ ژی بریندار كه‌تبوون.
