شاندەکێ بەلچیکایێ سەردانا رۆژئاڤایێ کوردستانێ کر

رۆژا ئەینی شاندەک ژ پەرلەمانێ فەدەرالێ بەلچیکا و ھندەک نوونەرێن سازیێن سڤیل سەردانا دەستەیا تێکلیێن دەرڤە یێن رێڤەبەرییا خوەسەر ل باژارێ قامشلۆ کرن.

شاندەیا بەلچیکی ژ ھەر دوو ئەندامێن پەرلەمانی George Dalmani و Queen Mesto، ھەر وەھا رێڤەبرێ سێ سازییێن سڤیل پێکهاتبوو.

شاندە ژ لایێ ھەڤسەرۆکێ دەستەیا تێکەلی یێن دەرڤە عەبدولکەریم عومەر، و جیگرێ ھەڤسەرۆکاتییێ، فەنەر ئەل-کێت و نوونەرا رێڤەبەریا خوەسەر ل ئەوروپایێ مزگین ئەحمەد ڤە ھاتە پێشوازیکرن.

پشتی پێشوازیێ ھەر دو ئالیان جڤینەکا گرتی ژ راگەهاندنێ ل دار خستن.

پشتی جڤینێ ھەر دوو ئەندامێن پەرلەمانێ بەلچیکایێ، سەدەما ھاتنا خوە و مژارێن جڤینێ ب داخویانیەکێ دا راگەهاندن.

ل گۆری ژێدەرەکێ ژ رێڤەبرییا خوەسەر د جڤینێ دا دۆسەیا ڤەگەراندنا زارۆکێن خیزانێن داعش یێن ھەموەلاتییێن بەلچیکی یەک  ژ مژارێن گۆتووبێژان بوو.

ھاتە زانین کو ئەڤ شاندە دێ 5 رۆژان ل رۆژئاڤایێ کوردستانێ مینیت و ل گۆر پیلانا وان دێ سەردانا ھندەک سازیێن رێڤەبەریا خوەسەر، کامپێن پەنابەران و ھەر وەھا کامپا ھۆل و رۆژ ژی کەن.