ل رۆژا 1/6/1999ێ، عهبدوللا ئۆجالان ل دادگههێ داخوازا لێبۆرینێ و گهردهن ئازا كرنێ ژ دایكێن عهسكهرێن ترك كر، ئهو عهسكهرێن ب دهستێ گهریلایێن پهكهكێ د دهما 15 سالان دا هاتینه كوشتن كو ل وێ رۆژێ ل هۆلا دادگههێ ئامادهبوون و وێنهیێن كوڕێن خوه یێن كوشتی بلند كربوون.
ئهڤ یێك ژ بۆ مهدیایا جیهانێ شۆكهكا مهزن چێكر، لهوما پشتره ب رۆژهكێ واته ل 2/6/1999ێ، هندهك ژ گرنگترین رۆژنامهیێن جیهانێ ب مانشێتێن مهزن ئۆجالان ب ترسنۆك وهسف كر!
داخوازییا ئۆجالان یا عهفۆیێ ژ مالباتێن عهسكهرێن ترك، ههموهخت لاڤه لاڤا وی ژ بۆ كو خوه قورتال بكهت و داخوازییا وی یا چهك دانانا پهكهكێ و خوهچهماندنا وی، شوكهكا مهزن بوو ژ بۆ مهدیا جیهانێ، پرانییا رۆژنامهیێن گرنگ و ب باندۆر یێن جیهانێ، ل وی دهمی ئۆجالان ب ترسنۆك ب ناڤ كر و ب ڤی رهنگی:
نیۆیۆرك تایمز:
«یاخیبوویێ كورد پێشنیازا راگرتنا شهری همبهر قورتالكرنا خوه دكهت»، ئۆجالان ههموو جینایهتێن كوشتنێ و جینایهتێن دی كو دۆزگهرێ گشتی خستنه بال، هلدانه سهرێ خوه و ئینكار نهكرن!.
واشنتۆن پۆست:
«داخوازا عهفۆیێ یا ئاپۆی شۆك ژ بۆ ئالیگر و دژبهرێن وی د ههمان دهمێ دا چێكر»، مه باوهر ژ گوهێن خوه نهكر، ڤێ رۆژنامێ ئۆجالان ب ترسنۆكێ خائین وهسف كر ب رهنگهكی كو ئهو نهلایقی وێ ههموو خوینێ یه یا كو زهلامێن وی رژاندی!.
كورییری دیلا سیرا یا ئیتالی:
«رهنگێ وی كهتبوو، یێ شهپرزه و ترسیایی بوو، بێ چاره و زهعیف بوو، ئهو زلامێ كو تركیه بۆ دهما 15 سالان ترساندی، ئیرۆ یێ داخوازا عهفۆیێ دكهت و ژێره دبێژیت: بهێلن ئهز بژیم و ژ بۆ ئازادیێ خهباتێ بكهم»!
لاريبۆبليكا یا ئیتالی:
«ئاپۆی داخوازا لێبۆرینێ ژ دادگههێ و دادوهری كر و ب ڤی رهنگی: من رزگار بكه و بهێله ئهز بژیم، داكو پهكهكێ بێ چهك و بێ تهئسیر بكهم»!
لۆجۆرنال یا فرهنسی:
«ئۆجالان پووشمانه و دبێژیت: ژیانا من رزگار بكه و ل دادگههێ داخواز ژ ههڤالێن خوه كر چهكان دانن»!.
ئیكسۆسیا یا یهونانستانێ:
«ئۆجالان داخوازا لێبۆرینێ دكهت و یهونانستانێ سووچبار دكهت و گۆت: یهونانستانێ پشتگری ددا من و وێ ئهز ل دژی تركیێ هان ددام»!.
ئتنۆس یا یهونانستانێ:
«ئۆجالانی چ تشتهك ل دادگههێ نهگۆت، تهنێ لاڤه لاڤا ژ بۆ رزگار كرنا خوه و ههموو جینایهتێن خوه خستن بال یهونانستانێ»!.
