یه‌كه‌مین فه‌وجا چه‌كدارێن كورد یا گرێدای حه‌شدا شه‌عبی یا ئیراقێ ل كه‌ركووكێ هات ئاڤا كرن، د سۆسیال مه‌دیایێ ده، چالاكڤانێن كورد ئه‌ڤ یێك ره‌خنه كرنه و گۆتنه: ئه‌ڤ مۆدێله‌كه نوو ئا جاشاتیێ یه.
ل گۆری داخویانییا به‌رپرسه‌كێ میلیشیا حه‌شدا شه‌عبی ب ناڤێ ئه‌دهه‌م جومعه، ئیرۆ رۆژا شه‌مبی 12/12/2020ان، یه‌كه‌م فه‌وجا چه‌كدارێن كورد د ناڤا رێزێن حه‌شدا شه‌عبی ده ل كه‌ركووكێ هاتییه ئاڤا كرن، ده‌ست نیشان كر، ئه‌ڤ فه‌وج 120 چه‌كداران ل خوه دگره و ئیرۆ ل دووبز ئا ناڤچه‌یا كه‌ركووكێ هاتییه ئیلان كرن.
ده‌ست نیشان كر، ئه‌ڤ فه‌وج ره‌زامه‌ندییا فه‌رمی یا فه‌رماندارێتییا حه‌شدا شه‌عبی وه‌رگرتییه و ئه‌ركا وان دێ پاراستنا وان ناڤچه‌یان به كو به‌را 16 ئۆكتۆبه‌را 2017ان ل ژێر كۆنترۆلا هێزێن پێشمه‌رگه دا بوون.
چالاكێن سۆسیال مه‌دیایێ ل باشوورێ كوردستانێ ئه‌ڤ هه‌نگاڤه پرۆته‌ستۆ كرنه و ب مۆدێله‌كه نوو ئا جاشاتیێ ژ بۆ ده‌وله‌تێن داگیركه‌ر ب ناڤ كرنه.
