ئه‌سه‌د ده‌نگێ رێڤه‌به‌رییا خوه‌سه‌ر نابهیسه‌

ئه‌سه‌د ده‌نگێ رێڤه‌به‌رییا خوه‌سه‌ر نابهیسه‌

رێڤەبەرییا خوەسەر یا رۆژئاڤایێ کوردستانێ، بەرسڤا سه‌رۆكێ رژێما سووریێ به‌شار ئەسەد دا ژ به‌ركو گۆتییه‌ ناسنامه‌یا سووریێ عه‌ره‌بی یه‌ و چ ئالی نه‌شێن ڤێ یه‌كێ ب گوهه‌رن.

رێڤەبەرییا خوەسەر یا رۆژئاڤایێ کوردستانێ، ئیرۆ رۆژا ئێكشه‌مبی 13/12/2020ان داخویانیەک بەلاڤ کر و بەرسڤا سەرۆکێ سووریێ بەشار ئەسەد دا.

رێڤەبەریا خوەسەر دیار كر، بەشار ئەسەد، راستییا فره‌ئالییا کو ل سووریێ ھەیە رەد دکەت و ته‌كه‌زێ ل سه‌ر ناسنامه‌یا عه‌ره‌بی یا سووریێ دكه‌ت‌.

رێڤەبەرییا خوەسەر دبێژیت: تەکەزییا ئەسەد یا ل سەر ناسنامەیا عەرەبی یا سووریێ ل گەل گوھارتنێن پێویست ناگونجیت.

ل گۆر داخویانییا رێڤەبەرییا خوەسەر، رەد کرنا فره‌ئالییا سووریێ خزمەتا پێشه‌رۆژا سووریێ و یەکێتییا گەلێ وێ ناکەت.

بەشار ئەسەد ل رۆژا 7ێ ڤێ مه‌هێ ل پایتەختا سووریێ ل گەل زانایێن ئۆلا ئیسلامێ كۆمببوو و گۆتبوو ناسنامەیا سووریێ عەرەبی یە و تەنێ یەک شارستانی ل سووریێ ھەیە، ئەو ژی شارستانییا عەرەبی یە و چ ئالی نه‌شێن ڤێ یەکێ بگوھۆرن.

پێکھاتەیێن رۆژئاڤایێ کوردستانێ ژی ب توندی بەرسڤا بەشار ئەسەد سەرۆکێ سووریێ دان و نەرازیبوونا خوە نیشان دان.

پوستێن ھەمان بەش