شەڤا 14ێ کانوونێ، پەکەکێ ئێریشی نوقتەیەکا کۆنترۆلا رێکێ یا پێشمەرگەیان ل ئامێدیێ کر و پێشمەرگەیەک شەھید کر. بوویەرا ئامێدیێ ب راستی نە تەنێ بوویەرا ئامێدیێ یە. بوویەرا ئامێدیێ پارچەیەک ژ نەخشەیا مەزنا کوردستانێ یە. ئەو نەخشەیا وەکو تەڤنەکێ دژی کوردا؛ چقەکێ خوە ل ئەنقەرە چقەکێ خوە ل تەھرانێ و چقەکێ خوە ژی ل قەندیلێ وەک بنگەھ وەردگریت.
نە خەلەتە کو مرۆڤ پێڤاژۆیا پەکەکێ یاکو ل زینی وەرتێ ھاتیە دەستپێکرن وەکی “پلانا ھەلوەشاندنا کوردستانێ” ب ناڤ بکەت. پشتی پەکەکێ دیت کو بنگەھێ رێکەفتنێن وێ یێن سییاسی ژناڤ دچن، ب چاڤ سۆری ژ ھەر لایەکی ڤە ب عاجزییەک مەزن ڤە ئێریشێ دکەتە سەر نرخێن کوردستانێ. لێ یا بالکێش ئەڤەیە کو دەڤەرا پەکەکە ئێریشی سەر دکەت نە دەولەتێن داگیرکەرن، پەکەکە ئێریشی کورد و کوردستانێ ب خوە دکەت.
بوویەرا ئامێدیێ سیناریۆیا پلانسازکری یا پەکەکێ یە
بوویەرا ئامێدیێ بەشەک ژ نەخشەیا تێکبرنا حکوومەتا ھەرێما کوردستانێ یە د ناڤا مۆئامەرەیا مەزنا پەکەکێ دا. پەکەکێ ب ڤێ بوویەرێ، دخواست ب کەڤرەکێ چەند چووچکان بکوژیت. لێ بوویەر ب تەمامی وەکی کو وێ دخواست ب رێڤە نەچوو.
وسا دیارە کو پەکەکێ دخواست ل ئامێدیێ پلانەکا جوودا چێبکەت. ئەو نوقتا کۆنترۆلێ یا ژ لایێ پەکەکێ ڤە ئێریش ل سەر ھاتیە کرن ب سالانە جار ب جار ل وێرێ دهێتە دانان. وێ شەڤێ چ چێببوو کو کێشە دروست بوو؟ پەکەکێ دخواست ئیستیفزازێ بکەت و ھندەک بوویەرێن ڤێ داویێ ب ڤەشێریت.
پلانا پەکەکێ شەڤا 14ێ کانوونێ دەست پێ کر. وان ل زالگەهەکێ بوویەر دەرخستن. د ھەمان دەمێ دا رۆکێتێن RBG-7 ژی ل گەل وان بوون. ئەو چ ستفەبوو کو ل وێرێ گەریڵایەک وەکو رۆژنامەڤان ب ناڤێ فورات بۆتان، ل نێزیکێ بوویەرێ ب ئاوایەکێ زیندی بەشداری کەنالێ پەکەکێ بووی و بوویەر رۆمالکری. ب گشتی، گەریلایێن پەکەکێ ژ بەر ترسا بالەفران نەشێن سەرێ خوە ژ کونێ دەربێخن. لێ وێ شەڤێ، گەریلایەک ل خانیەکی گوندی دا راوەستا بوو (ناڤێ گوندی ئەم نانڤیسین) ب تێلەفۆنێ ل گەل کەنالێ پەکەکێ ل سەر بوویەرێ د ئاخڤت. ب گۆتنەکا دی، بوویەر ژ بەرێ دا ھاتیە پلانکرن. ھەر تشت ئامادە بوو. خویا بوو کو پەکەکێ د خواست ببێژیت “وان ئێریشی من کر” ئەز زولم لێ کریمە، من تەنێ خوە پاراستییە. ب ڤێ سیناریۆیێ دخواست ئێریشا خوە یا ل سەر پێشمەرگە بڤەشێریت. پشتی پێشمەرگەیەک شەھید بووی ئێدی ئەو مەجال کو پەکەکە ببێژیت وان ئێریشی مە کر نەمابوو.
ب راستی، پەکەکێ پلان کربوو کو د مژارا سلێمانیێ و شنگالێ دا خوە پاقژ دەربخیت و ب بوویەرا ئامێدیێ ڤە ژی گاڤەک نوو باڤێژیت. ھەکە ئەم نوکە ڤەگەرینە رابووری و بوویەرێن قەومی بینینە رەخ ئێک ڤە کا دێ چ دییار بیت.
بوویەرێن ھەیڤا چرییا ئێکێ و هێرڤە
دەما کو پەکەکێ د 8ێ چرییێ دا یەکەم جار غازی سالح ئالیخان شەھید کری، پەکەکێ وەها هزر دکر کو دێ ھێزێن پێشمەرگە یەکسەر ئێریشی وان کەن. لێ وەکی وان دخواست چێنەبوو. ھێشتا رۆژا یەکەم، برایێ غازی سالح گۆت “پەکەکێ برایێ من کوشت.” حکوومەتا ھەرێما کوردستانێ ئەنجامدەرێ بوویەرێ ئاشکەرا نەکر، و بەرسڤ نەدا. دووڤ را پەکەکێ بۆریا نەفتێ تەقاند و ل سەر رێیا پێشمەرگەیێن ل چەمانکێ مینەک دانا و ب چەکێن گران ئێریشی سەر پاساوانێن بیرێن نەفتێ کر. پەکەکێ دیسا ئەو ئیستیفزازە کر، و هزر دکر کو دێ یەکسەر پێشمەرگە ئێریشێ کەتە سەر وان. لێ ئەو ژی چێنەبوو.
پەکەکە ژ بۆ ترکییا و حەشدا شەعبی رێکێ ڤەدکەت.
رێڤەبەریا کوردستانێ یاری دیت و نەکەتە خەفکێ دا. رێڤەبەریا کوردستانێ باش زانیبوو کو ھەکە پەڤچوونەک ل گەل پەکەکێ چێببیت، ترکیا دێ هێتە پێشداتر و دەلیڤا دەستوەردان کرنێ ل کوردستانێ دێ بۆ ترکیێ چێبیت. ل ئالیێ دی، دێ حەشدا شەعبی هێت. یا راست، یا کو پەکەکە دخوازیت بکەت ژی ئەڤەیە. سەدەما کو پەکەکێ دژی پەشمەرگە دەست ب شەر کرنێ کری ب راستی ئەوە کو ھەم حەشدا شەعبی ھەم ژی دەولەتا ترک بکەڤنە کوردستانێ. ژ بۆ کو پێشی ل ھەلوەشینا وێ بگریت، پەکەکە بوویە مقاولێ نەخشەرێیا ھلوەشاندنا حکوومەتا ھەرێما کوردستانێ. ئەڤ ئەرکە ژ بۆ پەکەکێ ھاتیە دیارکرن. گەر پەکەکە نەکاریت د ڤی ئەرکی دا سەرکەڤیت، ئەو دێ ژناڤ چیت.
ما پەکەکە هند یا چاڤ سۆرە؟ ئەرێ، هندە یا چاڤ سۆرە. پەکەکێ بەرێ ل گەل حەشدا شەعبی دا رێکەفتنەک جدی کر. ژ 2015ێ، پەکەکێ ژی ھێزێن خوەیێن شنگالێ ب حەشدا شەعبی ڤە گرێ دا. د داویێ دا، وان ئەڤ ھەڤکاریا ل شنگالێ خورت کر.
نەخشەرێیا پەکەکێ ئەو بوو کو پشتی جۆتمەھێ ل ھەرێما بەھدینان شەری بدەتە دەستپێکرن و د چرییێ دا ل سلێمانیێ پێکڤە گەنجا بێخیتە ناڤا بزاڤەکێ. گاڤا کو پەکەکێ نەشیای شەرێ پێشمەرگە بدەتە دەست پێ کرن، ئەو نەچار بوو و بەرێ جوانان دا کۆلانێن سلێمانیێ.
لێ بەلێ، پەکەکە نەشییابوو ژ بوویەرا سلێمانیێ ئەنجاما کو دخواست وەربگریت. بوویەرا سلێمانیێ نە بوو گرسەیی. زوو کەشف بوو کو کەسێن بوویەر چێکربوو ژ دەرڤە هاتبوون.
کێ ل سلێمانیێ بوویەر دەرخستن؟
رێخستنا جوانان کۆمەلا جوانێن باشوور، کو ژ لایێ رێڤەبرییا پەکەکێ ڤە د بوویەرا سلێمانیێ دا هاتنە بکارئینان، کۆمەلەیا کارکەرێن مەزۆپۆتامیایێ کو خەباتەکێ ل سلێمانیێ دمەشینیت، رێخستنا ب ناڤێ NLP یا جوانا ژی هاتبوو ئەرکدارکرن. پەکەکێ هزر دکر کو دێ پشتگریەکا گشتی ژ یەنەکێ، نەوەی نووێ و تەڤگەرێن دی هەبیت، لێ ئەو پێک نەھات. ب راستی، ھەر چەند بوویەرا سلێمانیێ ب دوماهی ناهاتبیت ژی، لێ وەکە کو پەکەکێ دخواست رێڤەنەچوو.
ئیستیفزازا پەکەکێ یا ل ئامێدیێ ب راستی ئارمانجا وێ پشتگریکرنا بوویەرێن ل سلێمانیێ یە.
ژ بەر ڤێ یەکێ، ئەم دبێژین کو بوویەرا ئامێدیێ نە تەنێ بوویەرەکا پەیوەندیدار ب ئامێدییێ ڤە یە. بوویەرا ئامێدیێ د پلانا پەکەکێ یا تێکبرنا کوردستانێ دایە. پێشمەرگێ ب ناڤێ جاهید عەبدورەحمان ئەمین کو ل ئامێدیێ ھاتە شەھید کرن، دەما کو وی دخواست کو رێگریێ ل پلانەک وەسا بەرفرەھ بکەت، شەھید کەت.
ژ بەر رێزگرتن ژ بۆ بیرئانینا شەھید جاھید عەبدورەحمان دێ ھەمی ھێز و بازرگانێن د ڤێ پیلانێ دا جیهـ دگرن دێ ڤالا هێنە دەرخستن. تو ھێزەک نەشێت پلانا ھلوەشاندنا حکوومەتا ھەرێما کوردستانێ جێبەجێ بکەت.
