د ناڤا هەر نەتەوەیەک بن دەست دا ل جیهانێ دەما کەسەک ژ وێ نەتەوێ ل گەل دەولەتا داگیرکەر بیت، ئەو کەس ب خائین و کرێ گرتی و… هتد دهێتە بناڤکرن، هەر نەتەوەیەک ل گۆری زمان و کولتوورێ خوە ناڤەکێ ل سەر وان کەسان ددانیت، هەلبەت ئەڤ بناڤ کرن ژی ژ بۆی سڤکاتی پێ کرن و روورەشکرنا وی کەسی دهێتە بکارئانین، د ناڤا هەر شۆرەش و بەرخوەدانەکی دا ل جیهانێ، هەردەم هندەک کەس هەبوونە ب سەدەمێن ماددی یا ن ژی ب سەدەما دەست خوە خستنا پلە و پۆستێن حکوومی یان ژی ب سەدەما گرێدانا هزری یا خوە ب دەستهلاتداران ڤە، ل دژی شۆرەشا گەلێ خوە سەکنینە ئەڤجا ئەڤ دژاتیکرنە چ ب چەکێ بیت یانژی ب نڤیسین و لایەنگری یا دەولەتا داگیرکەر بیت، د هەر نەتەوەیەکێ دا ژی ب رەنگەکێ ئەو وەکو خوەفرۆش و ولات فرۆش هاتینە ناساندن.

هەر پارچەیەک ژ کوردستانێ ئەڤ کەسە ب ناڤەکێ، ناڤ کرینە

ل کوردستانێ ژی هەردەم بەرخوەدان و شۆرەش و کەسێن ل دژی وێ هەبوونە، ئەڤ کولتوورە د ناڤا کوردان دا پێش نها هەبوویە، هەر پارچەیەک ژ کوردستانێ ئەڤ کەسە ب ناڤەکێ، ب ناڤ کرینە، ل باشوور و رۆژهەلاتێ کوردستانێ ئەڤ کەسە ب جاش هاتینە ناڤ کرن و ل باکورێ کوردستانێ ژی ب خۆرۆجی هاتینە ب ناڤکرن.

سەدەما بکارئانینا ڤێ پەیڤێ “جاش یان جەحش” دبیت هەیا رادەیەکی د ناڤا خەلکێ ئاسایی، و خوە پارتیێن سیاسی دا ژی، ژ بۆی سڤکاتی پێ کرن ب کەسێن کو هاریکاریا حکوومەتێ دکەن بیت، لێ د راستی دا فەلسەفەیا سەرەکی ژ بکارئانینا ڤێ پەیڤێ سڤکاتی کرن ب کەسێن خوەفرۆشە کو هێژان ژ لایێ فکری، دراڤی و خوەئاڤاکرنێ دا بالغ نەبوونە و هێژان وەکو تێژکێ کەری نە و پێدڤی ب خوەدیکرنێ نە ژ بال دایکا وان ڤە، دایکا وان دبیتە دەولەتا سەردەست، ئەڤ جاشە بێ هەبوونا دایکا خوە “دەولەتا داگیرکەر” نکارن بژین.

جاشێن مەترسیدارتر ژ هەرجاشەک دی، ئەو جاشن یێن نها د پەرلەمانێ ئیراقێ دا نوونەراتیا کوردان دکەن

ژ بەختێ رەشێ کوردان، هیچ یەک ژ پارچەیێن کوردستانێ بێ جاش نینە، ل هەر 4 پارچەیان جاش هەنە، لێ بەلێ جاشێن هیچ یەک ژ پارچەیێن کوردستانێ وەکو جاشێن باشوور نینە، جاشێن ل باشوورێ وەلات دژین سنۆرێن جاشاتیێ ژی دەرباسکرینە و هەما بێژە نها ل سەر کوردان پێویستە ناڤەکێ دی ل سەر وان دەینن، ئەڤ جاشە کو نها ل باشوور رۆژ دەرباس نابیت، تێدا دژاتیا کوردستانێ و پرسێن نەتەوی نەکەن گەلەک ب روو قاییمی ل سەر ئەکرانێن تیڤیان دەردکەڤن و ب ئاشکەرا دژاتیا هەر تشتەکی کو د بەرژەوەندیا دۆزا کوردان و کوردستانێ دا بیت دکەن، ئەڤ جاشە ب هەموو رەنگا خەباتێ دکەن روویێ دەولەتا داگیرکەرا ئیراقێ سپی بکەن و وێ وەکو دەولەتەک باش نیشانی کوردان بدەن، یێن د ناڤا جاشێن باشوور دا، جاشێن هەری ب مەترسی ئەو جاشن کو نها ب دەنگێ هندەک کوردان ل پەرلەمانێ ئیراقێ دا نە و رۆژانە ل دژی کوردستانێ داخویانیان ددەن و وەکو سەیێن هار بوویی دحەفن حکوومەتا باشوور، وەکو جەحشان ل دەمسالا بوهارێ هەردەم لیتکان دئاڤێژن کوردان و ب هیچ رەنگەکێ یەک پەیڤ ژی د بەرژەوەندیا حکوومەت و گەلێ باشوور دا نابێژن، گەلێ باشوور ناڤەک گەلەک خوەش ل وان جاشان کریە و ئەو ب “جاش پەرلەمانتەر” ب ناڤ کرینە.

جاش پەرلەمانتەرێن باشوور دترسن کو ب پارچەبوونا ئیراقێ ئالیکێ وان بهێتە قوتکرن

جاشێن باشوور یێن کو وەکو “غالب محەمەد” ب حەسابا خوە د پەرلەمانێ ئیراقێ دا نوونەراتیا کوردان دکەن، ژ جاشێن هەری دیار یێن کوردستانێ نە، ئەو هەردەم ب داخویانی و کارێن خوە ل دژی حکوومەتا کوردستانێ تەڤ دگەرن، ب هیچ رەنگەکێ باس ل کێماسیێن ئیراقێ ناکەن، هەرچەند کو باش فام دکەن حکوومەتا هەرێما کوردستانێ گەلەک ژ حکوومەتا ئیراقێ باشترە لێ بەلێ دیسا دژاتیێ دکەن، ژبەرکو ئەو ژ ڤێ یەکێ دترسن ئالیکێ وان ژ لایێ دەولەتا ئیراقێ ڤە بهێتە برین، دترسن کو ب پارچەبوونا ئیراقێ ئالیکێ وان کو ژ لایێ دەولەتێن داگیرکەر ڤە دهێتە شاندن قوت ببیت و جیێ وان د ناڤا باشوور دا نەمینیت، ئەو ب تەمامی بوونە دارێ د دەستێ ئیراقێ دا ژ بۆ لێخستنا حکوومەت و گەلێ باشوور.

یەک ژ ڤان جاش پەرلەمانتەران کو پێش نها مالباتا وی ب تەمامی بەعسی بوویە ب ناڤێ “غالب محەمەد” د نووترین دەرکەتنا خوە دا ل سەر ئەکرانێن تیڤیێن عەرەبان ب ئاوایەک وەکو خوە نەشرین و قرێژ باس ل پێشمەرگەیێن هێزا رۆژ دکەت و دبێژیت کو “پێشمەرگەیێن رۆژ ب فەرمانا مەسعوود بارزانی ل سەر بودجەیا ئیراقێ هاتینە دامەزراندن و نها ل هەر یەک ژ ئازەربایجان و لیبیایێ ل دژی حکوومەتێن وان ولاتان شەری دکەن”!، ئەو دبێژیت “یەک ژ وان پێشمەرگەیان ل لیبیایێ هاتە دەستەسەرکرن”! ئەڤ یەک د دەمەکێ دایە کو چەندین مەهان پێش نها کەسەکی کورد ب ناڤێ “شاکر فەرمان بۆنجوق” ژ لایێ لەشکرێ نەتەوی یێ لیبیایێ یێ ژێر فەرمانا جەنەرال حەفتەر هاتە دەستەسەرکرن، لێ بەلێ نە کەسێ هاتیە دەستەسەرکرن نە ژی پەیڤدارێ لەشکرێ لیبیایێ ب چ رەنگا نەگۆت ئەڤ کەسە پێشمەرگە بوویە، ب تەنێ راگەهاندنا پەکەکێ و یەنەکێ د وی دەمی دا ئەڤ چەندە گۆت و خواست وەکو هەر جار د ئاڤا شوولی دا ماسیان بگرن، لێ بەلێ دەمەک درێژ پێ نەچوو وەختا پەیڤدارێ لەشکرێ لیبیایێ داخویانی دای و راگەهاندی “کەسێ هاتیە گرتن کوردەکی رۆژئاڤایە کو ترکیێ ب پارە ئەو کریە و ژ بۆ ئەجیندایێن خوە ددەتە کارکرن، گۆت کو ئەم مات مایی ماینە چەوا دبیت کوردەک، کو ولاتێ وی ب خوە بن دەستێ ترکیێ یە، ل گەل ترکیێ بێت و شەرێ مە بکەت”! بێ گومان ئەڤ مات مایینا پەیڤدارێ لەشکرێ لیبیایێ د جیهێ خوەدایە لێ بەلێ گەر پەیڤدارێ لەشکرێ لیبیایێ بزانیبا کەسێن وەکو غالب محەمەد ل پەرلەمانێ ئیراقێ ب ڤی ئاوا جاشااتیێ دکەن ب چ رەنگا مات مایی نەدما و ئەڤ ئاخافتنە نەدکر! ژ غالب دپرسین، گەلۆ جوداهیا د ناڤبەرا تە و شاکر فەرمان بۆنجق دا چیە؟! ئەو ژ بۆ دەستخستنا ئالیکێ خوە چوو و ل لیبیایێ ب فەرمانا ترکیێ ل دژی عەرەبا شەر کر، توژی نها ل ئیراقێ ژ بۆ دەستخستنا ئالیکێ خوە دژاتیا کوردان ب خوە دکەی، ژ بلی ڤێ کو تو ب فەرمانا دوژمنان ل دژی کوردان ب زمانێ خوە شەری دکەی، و شاکر فەرمان ژی ب فەرمانا دوژمنێن کوردان ب چەکێ خوە ل دژی عەرەبا شەر دکر هیچ جوداهیەکا دی نینە، ئەو ژی کوردەک مینا تە جاش و خوەفرۆش بوویە و خوە فرۆتیە دوژمنێن گەلێ کورد.

ئەم پر حەیری مانە گەلێ باشوور کەتیە چ رەوشێ کو کەسێن وەکو تە دشینن پەرلەمانی!

جاش غالب باسی هێزەکێ دکەت کو ژ دەما دامەزراندنا خوە حەتا نها بەرەڤانی ژ کوردستانێ کریە و هەری کێم 78 شەهید و 634 بریندار ژ بۆ پاراستنا هەرێما باشوور دانە، عاجز بوونا غالب ژ ڤێ یەکێ یە کو هێزا رۆژ هێزەکا نەتەوی یە و ژ بۆ کوردستانێ شەری دکەت، گەر نە ژ بەر ڤێ یەکێ بیت خو هندەک هێزێن دی ژی هەنە کو مووچە ژ ئیراقێ دستینن، ب ڤێ جوداهیێ کو ب ستاندنا مووچە ژ ئیراقێ دژاتیا کوردستانێ دکەن، ل ڤێرە ئەم ژ جاش پەرلەمانتەر غالب دپرسین بۆچی باس ل وان هێزان ناکەی کو ل شنگالێ پارە ژ ئیراقێ دستینن و دژاتیا کوردستانێ دکەن؟! گەر دخوازی وەکو کەسەک دلسۆز ژ بۆ ئیراقێ و کوردان خوە بدی ناساندن بۆچی ژ پارەیێ بالەفرخانەیا نەجەفێ ناپرسی کو دچیتە کو دەرێ؟! بۆچی ژ داهاتێ مەزارگەهێن شیعەیان ناپرسی کو داهاتەکی مەزن هەیە و هەر هەمو دچیتە پاخلا مەلایێن شیعە؟!! بۆچی باس ل هێزێن حەشدا شەعبی و میلیشیایێن دی ناکەی کو نە تو و نە ژی هیچ پەرلەمانتارەکێ دی جەسارەتێ ناکەت ب سەدەما هەبوونا وان پیێ خوە باڤێژیتە دەرڤەی ناڤچەیا کەسکا بەغدایێ؟! غالب و هەڤالبەندێن وێ ب هەموو ئاوایان ب خرابی باس ل حکوومەتا باشوور، و ب باشی باس ل حکوومەتا ئیراقێ دکەن، د مژارا برینا بودجە و مووچەیێ فەرمانبەرێن کوردستانێ دا ژی ئەڤ جاش پەرلەمانتارە بەهانەیا ژ بۆ ئیراقێ تینن و وان مافدار دبینن، ئەو دبێژن بلا حکوومەتا باشوور داهاتێ پەترۆلێ و …. رادەستێ ئیراقێ بکەت داکو مووچە بهێنە دان! ئەم ژ غالب دپرسین گەلۆ ما قای کێشە ئەڤەیە؟ یان ژی ئیراق دخوازیت هەموو کورد مینا غالب ستۆیێ خوە ل همبەر دەولەتا ئیراقێ بچەمینن؟!! ژ خوە ژ سالا 2014ان حەتا نها جۆتکارێن کوردستانێ گەنمێ خوە تەسلیمی ئیراقێ دکەن بۆچی پەرەیێ وان ناهێتە دایین؟!! قای ئەو ژی ب پەترۆلا کوردستانێ ڤە گرێدایی یە؟! نەخێر ب راستی ئەڤ یەک گرێدایی کوریا درێژ یا جاشێن وەکو تە یە ل پەرلەمانێ ئیراقێ دا. گەر ل جەم مە ل باکورێ کوردستانێ پەرلەمانتارەک کورد کو ب دەنگێ کوردان دەرباسی پەرلەمانێ ترکیێ ببیت، وەکو تە تەڤ بگەریت، چ جاران ئەم قەبوول نەکین و دێ وی کوژین! ب راستی ژی ئەم پر حەیری مانە گەلێ باشوور کەتیە چ رەوشێ کو کەسێن وەکو تە دشینن پەرلەمانی!

ئەم دێ ژ بۆ هەر کەسی  دیار کەین تو ژ کیژان هاڤری دچەری و ژ کیژان جۆیێ ئاڤێ ڤەدخوەی، ل بەندا مە بە!

جاش غالب یەک ژ وان کەسانە کو ل سەر لیستەیا بزاڤا گۆرانێ تەڤلی هەلبژارتنێن ئیراقێ بوو، لێ بەلێ د راستی دا ئەو لایەنگرێ پەکەکێ یە، پەکەکێ ب شەهرەزایی ئەو خستە ناڤا رێزێن گۆرانێ، داکو ب دەنگێن لایەنگرێن بزاڤا گۆران دەرباسی پەرلەمانێ ئیراقێ ببیت و ئەجیندایێن هەرێمی یێن پەکەکێ کو خوە د براتیا گەلان، ئانکو “بن دەستیا گەلێ کورد” دا دبینیت جێبەجێ بکەت، نەفەسا غالب و جاش پەرلەمانتەرێن دی پێ دئاخڤن و تەڤ دگەرن هەمان نەفەسا گرووپا ئەنقەرێ یا ل قەندیلێ یە کو دخوازن کوردان جارەکا دی وەکو کۆلە بکەنە بن دەستێ دەولەتێن داگیرکار، لێ ئەڤ جارە د بن ناڤ و ستراتیژیەکا نوو دا کو ژ لایێ رێبەرێ پەکەکێ ڤە هاتیە دانان، ستراتیژیەک کو ب “براتیا گەلان” دهێتە ناسکرن، ب ڤێ ستراتیژیێ کو دەولەتا ترکیێ ب رێکا ئۆجەلان ل سەر پەکەکێ فەرز دکەت، دەولەت دخوازیت یەکپارچەئیا ئاخا خوە و هەڤالبەندێن خوە یێن کو کوردستان داگیر کری بپارێزیت، گەر نە هیچ سەدەمەک دی نینە کوردەک ب ڤی رەنگی دوور ژ کورداتیێ و ل گۆر ئەجیندایێن دەولەتێن دوژمن تەڤ بگەریت.

ل داویێ ئەم ژدبێژینە جاش پەرلەمانتەر غالب، ئەم باش دزانین تو کیی و پەروەردەیێ دەستێ کیژان هیز و ئایدۆلۆژیێ یی، کو ب ڤی ئاوا تەڤ دگەری، ئەم دزانین کو ئەو پیچا مەژیکێ د سەرێ تە دا ژی ژ لایێ کێ ڤە هاتیە پووچکرن، ئەم دێ د دەمەکێ نێزیک دا هەموو وێنە و ڤیدیۆیێن تە یێن ل ئەورۆپایێ و باشوورێ کوردستانێ، ڤیدیۆیێن کو تێدا تو ل گەل پەکەکێ جڤیایی نیشانی گەلێ کورد دەین، ئەم دێ ژ بۆ هەر کەسی  دیار کەین تو ژ کیژان هاڤری دچەری و ژ کیژان جۆیێ ئاڤێ ڤەدخوەی، ل بەندا مە بە!