مەدیا ئامەریکی راگھاندیە کو رێڤەبەرییا سەرۆکێ نوو یێ ئامەریکایێ جۆ بایدن، نوونەرێ بەرێ یێ سەرۆکێ ئامەریکا د تێکۆشینا دژی داعشێ دا، برێت ماكگورک وەک بەرپرسێ رۆژھلاتا ناڤین و ئافریکایا باکور دێ وەرە ئەرکدار کرن.
برێت ماكگورک کو نوونەرێ باراک ئۆباما سەرۆکێ وێ دەمێ یێ ئامەریکا بۆ د ناڤ ھەڤپەیمانییا دژێ داعشێ دا، د دەما رێڤەبەرییا دۆنالد ترامپ دا ژی دەمەکێ کار کر و پشتی بریارا ڤەکشینا ترامپ ژ سووریێ ده‌ست ژ كار به‌ردابوو.
ماكگورک کو ژ ئالیێ رێڤەبەرییا ھەرێما کوردستانێ و رۆژئاڤایێ کوردستانێ ژ نێزیک ڤە تێ ناس کرن، رەخنەیێن توند دەربارێ پشتگوھکرنا کوردان دا ل ترامپ گرتبوون و ل دژی بریارا ڤەکشینا ھێزێن ئامەریکی نەرازیبوون نیشان دابوو.
ماكگورک د دەما رەفەراندووما سەرخوەبوونێ یا ھەرێما کوردستانێ دا، خوەدی رۆلەک بوو کو ئامەریکایێ وێ دەمێ نەدخوەست رەفەراندووم وەرە ئەنجامدان و سەرخوەبوون بێ راگھاندن.
