بەردەڤکێ ئارتێشا نشتمانی یا لیبیایێ کو گرێدایی جەنەرال خەلیفە حەفتەرە، ئەحمەد ئەل-مسماری راگھاند، نەتەوەیێن یەکبوویی دێ ژ بۆ چاڤدێریا بریارا ئاگربەستێ چاڤدێرێن ناڤنەتەوی ل لیبیایێ بەلاڤ کەت.
ئەحمەد ئەل-مسماری گۆت کو ھێزا نوو یا ل سرتێ، ژ سڤیل و لەشکەرێن خانەنشین پێک دهێت و ئەو نە ھێزەکا لەشکەری یە.
مسماری جارەکا دی بال کشاندیە سەر دەرخستنا چەکدارێن ب پارە و ھێزێن بیانی ژ لیبیایێ و گۆتیە، پێویستی ب ھزرەکا راستەقینە یا جڤاکا ناڤدەولەتی ھەیە ژ بەر کو ھەبوونا وان ھێزان گەفێ ل پێشەرۆژا رێکەفتنا سیاسی دکەت.
ھێژایی گۆتنێیە، کۆمیتەیا لەشکەری یا ھەڤبەشا لیبیایێ ژ ئالیێ حکوومەتا تەرابلووس و رێڤەبەریا تۆبرووکێ ڤە رێکەفتن ل سەر چێبوویە دەست ب پێک ئانینا بریارا راوەستاندنا شەر کریە و چەند پێڤاژۆیێن پێکگوهارتنا دیلان پێک ئانینە.
ل گۆری راپۆرتان، ترکیە و چەکدارێن گرێدایی وێ رێکەفتنا ھەردو ئالیان ئاستەنگ دکن.
