لێندزی گراهام سه‌ناتۆرێ كۆمارییان ل كۆنگرێسا ئامه‌ریكایێ، پاش ره‌ش كرنا حه‌سابا دۆنالد ترامپ ژ هێلا شركه‌تا تویته‌رێ ڤه داخویانی دا و گۆت: چاوا دبه ئایه‌توللا تویته‌ر هه‌به و ترامپ نه‌به.
شركه‌تا تویته‌رێ ژ بۆی ته‌عجیز كرنا ترامپ و رێگرتنێ ل چێكرنا ئالۆزیێ پاش ئێریشا سه‌ر باره‌گه‌ها كۆنگرێسا ئامه‌ریكایێ كو ژ هێلا ئالیگرێن وی ڤه پێكهات، حه‌سابا وی با تویته‌رێ ب یێك جاری ره‌ش كر.
پشتره دۆنالد ترامپ ل ده‌ربارا ڤێ بریارا شركه‌تا تویته‌رێ گۆت: ب ڤێ بریارێ ئه‌م نایێن بێده‌نگ كرن.
هه‌موه‌خت سه‌ناتۆرێ مه‌زنێ كۆمارییان لێندزی گراهام، ئه‌ڤ بریارا شركه‌تا تویته‌رێ ب شاشێتییه‌كه مه‌زن ناڤ بر و گۆت كو چاوا دبه ئایه‌توللا خامنه‌یی تویته‌ر هه‌به و دۆنالد ترامپ نه‌به!.
گراهام ئه‌ڤ نه‌رازیبوونا خوه یا ل ل سه‌ر بریارا شركه‌تا تویته‌رێ ل حه‌سابا خوه تویت كر و وها نڤیساند: هه‌وه ب ره‌ش كرنا حه‌سابا سه‌رۆكێ ئامه‌ریكایێ دۆنالد ترامپ، شاشێتییه‌كه مه‌زن ئه‌نجام دا، دبه ب سه‌ده‌ما ڤان ئاخافتنان هوون من مه بلۆك بكن، لێ به‌لێ مه قه‌بووله، چاوا دبه خامنه‌یی بكاربكه تویتان بكه و ترامپ نه، ئه‌ڤ یێك نیشان دده كانێ تو جوره كه‌س تویته‌رێ برێڤه دبن.
