پشتی کو سازیا فەدەرالا لێکۆلینێ یا پۆلیسێن ئەمریکایێ (FBI) ژ بۆ دەما مەراسیما سۆندخوارنا سەرۆکێ نوویێ ئەمریکایێ جۆ بایدن، هوشداریا ئالۆزیان و توندوتیژیێ دای، ب بریارا دۆنالد ترامپ رەوشا ئاوارتە ل واشنگتۆن ھاتە راگھاندن کو ھەتا 241ێ مەھێ دێ یا بەردەوام بیت.
6ێ چلەیێ دەما کو کۆنگرەیا ئەمریکایێ ژ بۆ پەسەندکرنا سەرۆکاتیا بایدن دجڤییا، ترامپ بانگ ل ئالیگرێن خوە کربوو کو بەر ب ئاڤاھیا کۆنگرەیێ ڤە بمەشن و ئالیگرێن وی ب سەر ئاڤاھیا کۆنگرەیێ دا گرتبوون و 5 کەس د وێ ئالۆزیێ دا ھاتبوون کوشتن.
ل سەر ڤێ پارتیا دەمۆکرات داخوازا ل سەر کار لابرنا ترامپ کربوو و خواستبوو بەریا مەراسیما رادەستکرنا سەرۆکاتیێ بهێتە دوورخستن.
تەلەڤزیۆنا ABC یا ئەمریکی ژ زاردەڤێ چاڤکانیێن سازیا فەدەرالا لێکۆلینێ (FBI) دایە خویاکرن کو پشتی FBI دەربارێ ئالۆزیان دا هوسداری دایە ترومپ حەتا 24ێ چلەیا 2021ێ رەوشا ئاوارتە راگھاندیە.
وێ د ڤێ چارچۆڤەیێ دا ژ پاراستڤانێن نەتەوەیی 15 ھەزار لەشکەر ژ بۆ واشنگتۆنێ بێن شاندن و ھن جھێن گەشتیاری ژی ژ بۆ سەرەدانان بێنە قەدەغەکرن.
ھەروھا شارەدارێ واشنگتۆنێ مورەل بۆوسەر ژی ژ بۆ ئەولەھیا باژێر ئالیکاری خواستبوو کو وەزارەتا ئەولەھیا ناڤخوەیا ئەمریکایێ بریار دەرخستبوو کو ژ رۆژا چارشەمبی ڤە تەدبیرێن ئەولەھیێ بهێنە زێدەکرن.
