سه‌رۆكێ ئیرانێ ئیرۆ ئێریشێ سه‌رۆكێ ئامه‌ریكایێ كر و راگهاند كو دۆنالد ترامپ د هلبژارتنان ده شكه‌ستن خوار و پشتره خه‌لك هان دا كو ئێریشا سه‌ر باره‌گه‌ها كۆنگرێسێ بكن، رۆحانی گۆت: ترامپ ته‌رۆریسته‌ك مێژوویی یه.
حه‌سه‌ن رۆحانی ئیرۆ رۆژ چارشه‌می 13/1/2021ان داخویانی دا، ل ده‌ربارا رۆژه‌ڤا ئامه‌ریكایێ گۆت كو دۆنالد ترامپ د هلبژارتنان ده شكه‌ست و ئه‌و ب هاندانا گه‌لێ ئامه‌ریكایێ ژ بۆ ئێریشا سه‌ر باره‌گه‌ها كۆنگرێسێ سووچدار كر.
رۆحانی گۆت: ترامپ د خوه‌ست ئیرانێ ب 3 مه‌هان ب هه‌رفینن، لێ به‌لێ ئه‌و ب خوه هه‌رفی.
سه‌رۆكێ ئیرانێ هه‌روه‌ها ل ڤێ ده‌ربارێ ده گۆت: دۆنالد ترامپ و تیما وی ب درێژاهییا ده‌ما سه‌رۆكتییا خوه، ل دژی ئیرانێ ته‌ڤگه‌رییان، لێ به‌لێ ئه‌م ب پشتراستی ڤه دبێژن كو سیاسه‌تا دۆرپێچا ئابوورییا ئامه‌ریكایێ شكه‌ستن ئانی و ئه‌وێن كو ئه‌ڤ سیاسه‌ت كرین نه ته‌نێ شكه‌ستن به‌لكو ژیانا وان یا سیاسی ب داوی بوو.
