ویلایهتێن یهكگرتی یێن ئهمهریكایێ، جهزایێن ل سهر ئیرانێ و كۆمێن چهكدارێن گرێدای وێ زێده كرن و سهرۆكئهركانێ میلیشیا حهشدا شهعبی، ئێخسته د لیستا تهرۆرێ دا.
وەزارەتا کارێن دەرڤە یا ئهمەریکایێ، ل سەر دۆرپێچێن نوو راگههاند کو سەرۆکئەرکانێ حهشدا شهعبی یێ ب ناڤێ «عهبدولعهزیز ئهبۆ فهدهك» کو نێزیكی ئیرانێ، خستنە د لیستا تەرۆرێ دا.
د داخویانیا وهزارهتا كارێن دهرڤه یا ئهمهریكایێ دا هاتییه: «ئیرۆ کەسێ كو ب ناڤێ ئەبۆ فەدەک تێ ناس كرن ل گۆر قانوونا 13224 یا رێڤەبهرییا ئهمهریكایێ، كهته د لیستا تایبەت یا تەرۆریستان دا».
ههروهها دهست نیشان كر، موحهمهداوی سكرتێرێ بەرێ یێ حزبوللا یا ئیراقێ بوو و یهكینهیێن حزبوللا دخوازن تهرۆرا ئیرانێ ل رۆژئاڤا و ههرێمێ پێش بێخن و ئهڤ كهسه ژ گهلهك كریارێن تهرۆرێ ل ئیراقێ بهرپرسه، ههموهخت ئهو ل گهل فهیلهقا قودسێ یا ئیرانێ ژی كار دكهت.