کۆمەکا چەکداران ئه‌ڤرۆ ب نارنجۆک و گوللـەیان هێرشی سەر ئۆفیسا خوەجھی یا ئەنجوومەنا نشتیمانییا کوردی ل سووریێ ئه‌نه‌كه‌سێ یا کۆبانیێ کر.
ھات راگه‌ھاندن کو ئه‌ڤرۆ رۆژا سێشەمبێ 19/1/2021ێ، چەند کەسێن چەکدار ل كۆبانی هێرشه‌كا چەکداری كرینه سه‌ر ئۆفیسا خوەجھییا ئه‌نجوومه‌نا نشتیمانییا كوردی ل سووریێ ئه‌نه‌كه‌سێ.
هێرشكه‌ران 2 نارنجۆک هاڤێتنه ناڤا ئۆفیسێ و گوللـە ب سەر ئۆفیسێ و ئالا کوردستانێ دا بەردان و زیانێن ماددی گه‌هشتن ئۆفیسێ.
هێژای گۆتنێ یه، هێرشێن سه‌ر باره‌گه‌هێن پارتیێن د ناڤا ئه‌نه‌كه‌سێ دا ژ ته‌باخا سالا رابووری ژ هێلا رێخستنا په‌كه‌كێ ڤه ده‌ست پێ كرنه، رێخستنا په‌كه‌كێ ڤان هێرشان ب رێیا گرۆپا ب ناڤێ جوانێن شۆره‌شگه‌ر پێك دئینیت و ئارمانج ژێ خه‌راب كرنا دانوستاندنێن یەکرێزییا کوردی – کوردی ل رۆژئاڤایێ كوردستانێ.
